19 ліпеня, Мінск /Кар. БЕЛТА/. Сёння Банк Англіі паказаў новую купюру 10 фунтаў стэрлінгаў, якая выраблена з палімернага матэрыялу, паведамляюць інфармагенцтвы.
Адзначаецца, што на новай купюры адлюстраваны партрэт знакамітай пісьменніцы Джэйн Осцін, паколькі 18 ліпеня 2017 года адзначаецца 200-годдзе з дня смерці аўтара рамана "Гордасць і забабоны". Плануецца, што ў абарачэнне купюры паступяць з 14 верасня бягучага года.
Раней у Вялікабрытаніі з'явілася палімерная купюра 5 фунтаў стэрлінгаў, на якой адлюстраваны экс-прэм'ер Вялікабрытаніі Уінстан Чэрчыль.-0-