18 студзеня, Мінск /Кар. БЕЛТА/. У Францыі ўказам прэзідэнта краіны Франсуа Аланда ўведзена надзвычайнае эканамічнае становішча, паведамляе агенцтва АР.
Франсуа Аланд растлумачыў, што мае намер у гэты час перагледзець эканамічную і сацыяльную мадэль дзяржавы. Меры накіраваны на выхад эканомікі са стану стагнацыі і скарачэнне "хранічнага беспрацоўя".
У бліжэйшы час французскаму ўраду і бізнес-супольнасці трэба будзе рэалізаваць шэраг прапаноў, якія, у канчатковым выніку, павінны прывесці эканоміку краіны да ўстойлівага росту і выкараніць беспрацоўе.
Аб канкрэтным змесце "экстранных рэформ" прэзідэнта Францыі пакуль не паведамляецца. Вядома толькі, што першыя захады, прапанаваныя ім, адносна сціплыя, яны не будуць выносіць на абмеркаванне 35-гадзінны рабочы тыдзень.-0-