16 лістапада, Парыж /БЕЛТА - ТАСС/. Францыя павялічыць інтэнсіўнасць аперацыі ў Сірыі, заявіў прэзідэнт Францыі Франсуа Аланд, якога цытуе агенцтва Reuters.
"Францыя знаходзіцца ў стане вайны з ісламістамі, якія пагражаюць не толькі нашай краіне, але ўсяму свету", - сказаў Аланд.
Пры гэтым французскі лідар падкрэсліў, што "размова не ідзе аб вайне цывілізацый".
Аланд паведаміў, што ў бліжэйшыя дні сустрэнецца з Абамам і Пуціным і абмяркуе намаганні па барацьбе з тэрарызмам. Таксама, паводле слоў прэзідэнта, ён заклікаў Савет Бяспекі ААН прыняць рэзалюцыю па барацьбе з тэрарызмам. "Я звярнуўся да краін СБ ААН (з заклікам) сабрацца ў бліжэйшы час і прыняць адпаведную рэзалюцыю", - сказаў Аланд.
Паводле яго слоў, рэжым надзвычайнага становішча ў Францыі будзе прадоўжаны на тры месяцы. Таксама кіраўнік дзяржавы дапусціў, што канстытуцыя Францыі можа быць зменена для барацьбы з тэрарызмам.-0-