15 студзеня, Мінск /Кар. БЕЛТА/. Васьміразовы алімпійскі чэмпіён Уле-Эйнар Б'ёрндален не выступіць на зімовых Гульнях у Пхёнчхане. Такую інфармацыю распаўсюдзіў НАК Нарвегіі, паведамляе БЕЛТА.
"Кандыдатура Б'ёрндалена не была прадстаўлена на зацвярджэнне спартыўным дырэктарам зборнай Нарвегіі. Да гэтага НАК Нарвегіі правёў грунтоўныя дыскусіі з біятлонным кіраўніцтвам наконт выбару каманды", - гаворыцца ў паведамленні.
Праслаўлены біятланіст не выканаў унутрыкамандныя крытэрыі адбору. У скарбонцы Б'ёрндалена 13 узнагарод рознай вартасці шасці зімовых Гульняў.
На Алімпійскія гульні ў Пхёнчхан адправіцца жонка нарвежца Дар'я Домрачава, для якой маючыя адбыцца старты стануць трэцімі.-0-