27 кастрычніка, Мінск /Кар. БЕЛТА/. Сусветнае антыдопінгавае агенцтва (САДА) патрабуе ўстараніць недахопы ў рабоце нацыянальных антыдопінгавых агенцтваў Азербайджана, Бразіліі, Грэцыі, Гватэмалы і Інданезіі. Аб гэтым гаворыцца ў афіцыйным паведамленні арганізацыі, паведамляе карэспандэнт БЕЛТА.
"Незалежны камітэт па праверцы выканання Кодэкса САДА абмеркаваў статус пяці нацыянальных антыдопінгавых агенцтваў. Члены камітэта прыйшлі да высновы, што гэтыя агенцтвы цяпер не адпавядаюць кодэксу САДА. У выніку прынята рашэнне прадаставіць гэтым структурам тэрмін да 10 лістапада для ўстаранення ўсіх праблем, у іншым выпадку камітэт па выкананні Кодэкса разгледзіць пытанне аб неадпаведнасці гэтых агенцтваў", - гаворыцца ў паведамленні.
У першую чаргу эксперты Сусветнай антыдопінгавай лабараторыі звярнулі ўвагу на выкарыстанне нацыянальнымі антыдопінгавымі агенцтвамі Азербайджана, Бразіліі, Грэцыі, Гватэмалы і Інданезіі не акрэдытаваных САДА лабараторый, а таксама праблемы, звязаныя з антыдопінгавымі праграмамі.-0-
