11 верасня, Мінск /Кар. БЕЛТА/. Тэнісіст Рафаэль Надаль трэці раз у кар'еры выйграў адкрыты чэмпіянат ЗША, перамогшы ў вырашальным матчы Кевіна Андэрсана з ПАР з лікам 6:3, 6:3, 6:4, паведамляе карэспандэнт БЕЛТА.
У фінале Рафаэль Надаль скарыстаўся вялікай колькасцю памылак саперніка. Іспанец упэўнена выходзіў да сеткі пасля атакуючых удараў. У выніку матч прадаўжаўся ўсяго тры партыі.
Для Рафаэля Надаля перамога ў адзіночным разрадзе на адкрытым чэмпіянаце ЗША трэцця ў кар'еры. Раней ён заваёўваў ганаровы тытул у 2010 і 2013 гадах.
Найбольш часта з чатырох турніраў серыі Вялікага шлема Рафаэль Надаль дабіваўся поспеху на "Ралан Гарос". У Парыжы іспанец атрымліваў перамогу дзесяць разоў.
У Нью-Ёрку ў заключны дзень спаборніцтваў вызначыліся і пераможцы ў жаночым парным разрадзе. Марціна Хінгіс зрабіла пераможцы дубль на US Open - 2017: пасля поспеху ў змешаным разрадзе з брытанцам Джэймі Марэем яна выйграла фінальны матч у дуэце з прадстаўніцай кітайскага Тайбэя Юнжань Чжань. У фінале яны перамаглі чэшак Люцыю Градзецку і Катаржыну Сінякову з лікам 6:3, 6:2.-0-