Мабільная версія
ДЗЯРЖОРГАНЫ
Апошнія навіны
Усе навіны

Паралімпійскаму чэмпіёну беларусу Юрыю Голубу ўручаны ў Пхёнчхане залаты медаль

Спорт 14.03.2018 | 09:49
Юрый Голуб (справа). Фота Аляксея Кавалёва
Юрый Голуб (справа). Фота Аляксея Кавалёва

14 сакавіка, Мінск /Кар. БЕЛТА/. Паралімпійскаму чэмпіёну Юрыю Голубу ўручаны залаты медаль зімовых Гульняў. Цырымонія ўзнагароджання адбылася на Алімпійскім стадыёне Пхёнчхана, паведамілі БЕЛТА ў прэс-службе Міністэрства спорту і турызму.

Беларус заваяваў залатую ўзнагароду 13 сакавіка ў біятлоне ў катэгорыі В3 для спартсменаў са слабым зрокам. Узнагарода вышэйшай вартасці таксама была ўручана партнёру Юрыя Голуба па забегу, які вёў чэмпіёна па маршруце, Дзмітрыю Будзіловічу.

Цырымонію ўзнагароджання беларускіх атлетаў правялі член Савета кіраўнікоў Міжнароднага Паралімпійскага камітэта Махамед Алхамелі і адміністратар Фонду культурнай спадчыны Рэспублікі Карэя Ёнг Йін Кім.

Пасля ўзнагароджання Юрый Голуб адзначыў, што эмоцыі яго перапаўняюць. "Гонка выдалася вельмі няпростая. Цёпла, і снег падтаў, бегчы было вельмі складана. Самае галоўнае, што ў гэтых няпростых умовах разам з партнёрам па забегу Дзмітрыем Будзіловічам заваявалі залатую ўзнагароду", - адзначыў Юрый Голуб.

У актыве беларускага паралімпійца ў Пхёнчхане тры ўзнагароды (залатая і дзве сярэбраныя). 14 сакавіка Юрый Голуб выступіў і ў лыжным спрынце, але не змог прайсці стадыю кваліфікацыі, заняўшы дзявятае месца.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Стадыён "Дынама" Стадыён "Дынама" быў афіцыйна адкрыты 12 чэрвеня 1934 года, рэканструяваны ў 1939 годзе, разбураны ў час Вялікай Айчыннай вайны. Новы стадыён пабудаваны ў 1947-1954 гадах.