13 студзеня, Мінск /Кар. БЕЛТА/. Міжнародны алімпійскі камітэт (МАК) пазбавіў бронзавага медаля Алімпіяды-2008 беларускую штурхальніцу ядра Надзею Астапчук. Аб гэтым паведамляецца на сайце МАК, перадае БЕЛТА.
Акрамя таго, МАК ануляваў вынікі беларускай кідальніцы молата Дар'і Пчэльнік, якая заняла на АГ-2008 чацвёртае месца. Пераправерка допінг-пробы беларускіх атлеток дала станоўчы вынік на наяўнасць у арганізме турынаболу і тамаксіфену ў Надзеі Астапчук і турынаболу - у Дар'і Пчэльнік.
Сярод спартсменаў, чые вынікі ануляваў МАК, таксама тры кітайскія цяжкаатлеткі. Яны пазбаўлены залатых медалёў Алімпійскіх гульняў 2008 года ў Пекіне.-0-