27 кастрычніка, Мінск /Кар. БЕЛТА/. Міжнародны алімпійскі камітэт (МАК) пазбавіў медалёў летняй Алімпіяды ў Пекіне беларускіх цяжкаатлетаў Андрэя Рыбакова і Настассю Новікаву за прымяненне спартсменамі забароненых прэпаратаў. Адпаведнае рашэнне апублікавана на афіцыйным сайце МАК, паведамляе карэспандэнт БЕЛТА.
У 2008 годзе Андрэй Рыбакоў заваяваў сярэбраную ўзнагароду ў катэгорыі да 85 кг. Настасся Новікава стала бронзавым прызёрам у катэгорыі да 53 кг.
Спартсмены пазбаўлены ўзнагарод у выніку пераправеркі допінг-проб. У пробе Андрэя Рыбакова быў знойдзены турынабол, у пробе Настассі Новікавай - турынабол і станазалол. Раней паведамлялася аб дыскваліфікацыі Настассі Новікавай на чатыры гады, якая пасля чэмпіянату свету 2015 года ў Х'юстане была абвінавачана ў прымяненні забароненых прэпаратаў у прыватнасці метабаліту дэгідрахлорметылтэстастэрону.
Узнагарод Гульняў-2008 пазбаўлены таксама ўкраінская цяжкаатлетка Вольга Каробка, расіянка Кацярына Волкава, казахстанец Таймураз Тыгіеў, Саслан Тыгіеў з Узбекістана і азербайджанец Сардар Хасан.
"Атлеты павінны ў самы кароткі тэрмін вярнуць медалі ў МАК", - гаворыцца ў паведамленні.-0-
