18 верасня, Мінск /Кар. БЕЛТА/. Навічок хакейнага клуба "Дынама-Мінск" Дзяніс Казіёнаў адправіўся ў выязное турнэ каманды ў чэмпіянаце КХЛ, паведамілі карэспандэнту БЕЛТА ў прэс-службе "зуброў".
Форвард паспеў ужо правесці дзве трэніроўкі з партнёрамі і ўвайшоў у лік 26 ігракоў, якія вылецелі 17 верасня ў Яраслаўль, дзе 18 верасня правядуць чарговы матч сезона. Як адзначылі ў клубе, у бліжэйшы час у каманду павінен вярнуцца і нападаючы Бо Бенет, які лятаў на пахаванне блізкага сябра.
Мінскае "Дынама" пасля шасці праведзеных матчаў у новым сезоне КХЛ мае адну перамогу і з двума ачкамі замыкае турнірную табліцу Заходняй канферэнцыі.-0-