23 мая, Мінск /Кар. БЕЛТА/. Беларускія хакеісты па выніках 80-га чэмпіянату свету захавалі за сабой дзявятае месца ў рэйтынгу Міжнароднай федэрацыі хакея (ІІХФ), паведамляе карэспандэнт БЕЛТА.
Пасля завяршэння фінальнай сустрэчы сусветнага форуму, у якой канадскія хакеісты адолелі фінаў з лікам 2:0, ІІХФ абнавіла рэйтынг нацыянальных каманд. Зборная Беларусі мае ў сваім актыве 2820 ачкоў і захавала дзявятае месца. Узначальваюць спіс родапачынальнікі хакея, якія перамаглі на сусветным першынстве другі год запар.
Рэйтынг ІІХФ:
1. Канада - 3495
2. Расія - 3380
3. Фінляндыя - 3355
4. ЗША - 3290
5. Швецыя - 3275
6. Чэхія - 3210
7. Швейцарыя - 2910
8. Славакія - 2870
9. Беларусь - 2820
10. Германія - 2815
11. Нарвегія - 2765
12. Латвія - 2730
13. Данія - 2700
14. Францыя - 2655
15. Славенія - 2530
16. Казахстан - 2470.
Найбольш прыкметнага прагрэсу дабілася ў рэйтынгу зборная Германіі, якая па выніках турніру ў Санкт-Пецярбургу і Маскве перамясцілася з 13-й на 10-ю пазіцыю. Нямецкія хакеісты завяршылі чэмпіянат сёмымі. Зборная Беларусі размясцілася па выніках турніру на 12-м месцы.
У другой дэкадзе жніўня беларуская каманда плануе пачаць падрыхтоўку да алімпійскай кваліфікацыі, якая пройдзе ў "Мінск-Арэне" з 1 па 4 верасня. Каманда Дэйва Льюіса аспрэчыць пуцёўку на зімовыя Алімпійскія гульні ў Пхенчхан са зборнымі Даніі (1 верасня), Польшчы (2 верасня) і Славеніі (4 верасня).-0-
