6 сакавіка, Мінск /Кар. БЕЛТА/. Лепшая беларуская тэнісістка Вікторыя Азаранка захоўвае 17-е месца ў сусветным рэйтынгу, паведамляе карэспандэнт БЕЛТА.
Вікторыя Азаранка не гуляе на турнірах з мая 2016 года, а ў снежні стала маці і плануе вярнуцца на корт гэтым летам на адкрытым чэмпіянаце ЗША. Яшчэ дзве беларускія тэнісісткі палепшылі свае пазіцыі ў сусветным рэйтынгу: Аляксандра Сасновіч паднялася са 116-га на 114-е месца, Вера Лапко - з 298-га на 293-е. У гэтыя дні Вера Лапко гуляе на турніры ў кітайскім Чжухаі і выйшла ў трэці раўнд кваліфікацыі, абыграўшы японку Рыка Саваянагі - 6:1, 6:0.
У першай дзясятцы рэйтынгу Жаночай тэніснай асацыяцыі змяненняў не адбылося:
1. Серэна Уільямс (ЗША) - 7780 ачкоў,
2. Ангеліка Кербер (Германія) - 7405,
3. Караліна Плішкава (Чэхія) - 5640,
4. Сімона Халеп (Румынія) - 5172,
5. Дамініка Цыбулкава (Славакія) - 5075,
6. Агнешка Радваньска (Польшча) - 4670,
7. Гарбінье Мугуруса (Іспанія) - 4585,
8. Святлана Кузняцова (Расія) - 3915,
9. Мэдзісан Кіз (ЗША) - 3897,
10. Эліна Світоліна (Украіна) - 3795.
Топ-10 мужчынскага рэйтынгу:
1. Эндзі Марэй (Вялікабрытанія) - 12040,
2. Новак Джокавіч (Сербія) - 9825,
3. Стэн Ваўрынка (Швейцарыя) - 5195,
4. Мілаш Рааніч (Канада) - 5080,
5. Кеі Нішыкоры (Японія) - 4730,
6. Рафаэль Надаль (Іспанія) - 4115,
7. Марын Чыліч (Харватыя) - 3590,
8. Жо-Вільфрыд Тсонга (Францыя) - 3480,
9. Дамінік Цім (Аўстрыя) - 3375,
10. Роджэр Федэрэр (Швейцарыя) - 3305.
З беларускіх тэнісістаў у адзіночным рэйтынгу вышэй за іншых знаходзіцца Уладзімір Ігнацік, у якога 163-е месца. У парным рэйтынгу беларус Максім Мірны і філіпінец Трэт Х'юі займае 25-ю пазіцыю.-0-
