26 мая, Мінск /Кар. БЕЛТА/. У Беларусі 27 мая чакаецца пераменная воблачнасць, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Ноччу будзе пераважна без ападкаў, днём месцамі магчымы кароткачасовыя дажджы і навальніцы. Вецер прагназуецца няўстойлівы - ад 1 да 6 м/с, пры навальніцах парывы могуць дасягаць 14 м/с.
Тэмпература паветра ноччу складзе ад 6 да 12 градусаў. Днём паветра прагрэецца да 20-25, у паўднёвых раёнах - да 27 градусаў.-0-
