28 чэрвеня, Мінск /Кар. БЕЛТА/. Надвор'е ў Беларусі 29 чэрвеня будзе пераважна без ападкаў, толькі месцамі ва ўсходніх раёнах магчымы кароткачасовыя дажджы і навальніцы, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. Вецер прагназуецца паўночны 4-9 метраў у секунду, пры навальніцах парывы да 14 метраў у секунду.
Тэмпература паветра ноччу складзе плюс 12-17 градусаў, па паўднёвым усходзе - да 19 градусаў цяпла. Днём паветра прагрэецца да 23-29 градусаў.-0-
