21 чэрвеня, Мінск /Кар. БЕЛТА/. Найноўшыя бронемашыны кітайскай вытворчасці паступяць ва Узброеныя Сілы Беларусі. Такая інфармацыя размешчана на сайце Міністэрства абароны, паведамляе БЕЛТА.
У адпаведнасці з пагадненнем паміж Міністэрствам абароны Беларусі і Міністэрствам нацыянальнай абароны Кітая аб прадастаўленні бязвыплатнай ваенна-тэхнічнай дапамогі, з 21 чэрвеня пачнецца пастаўка чарговай партыі тэхнікі і маёмасці. Беларускія Узброеныя Сілы атрымаюць ад кітайскіх партнёраў найноўшыя браніраваныя машыны CS/VN3, вырабленыя ў горадзе Чунцын.
На мінулым тыдні з Кітая вярнуліся беларускія ваеннаслужачыя, якія праходзілі абучэнне па абслугоўванні і эксплуатацыі гэтых узораў на заводзе.
Гэта ўжо не першая пастаўка бязвыплатнай ваенна-тэхнічнай дапамогі з Кітая. Вясной 2015 года ва Узброеныя Сілы паступілі парадныя аўтамабілі FAW HongQi L5, а на некалькі гадоў раней - аўтамабілі павышанай праходнасці DongFeng Mengshi EQ2050.-0-
