Мабільная версія
ДЗЯРЖОРГАНЫ
Апошнія навіны
Усе навіны

Мінадукацыі: бацькі ў новым навучальным годзе змогуць прыводзіць дзяцей у школу з 8 раніцы

Грамадства 17.05.2017 | 09:07

17 мая, Мінск /Кар. БЕЛТА/. Адміністрацыі школ, дзе дзеці вучацца ў дзве змены, будуць самі прымаць рашэнне аб пачатку заняткаў - з 8.30 або 9.00, але ў школу можна прыводзіць дзяцей з 8 раніцы. Аб гэтым карэспандэнту БЕЛТА паведаміла прэс-сакратар Міністэрства адукацыі Людміла Высоцкая.

Людміла Высоцкая адзначыла, што СанПіН рэкамендуе пачынаць заняткі не раней за 9 гадзін раніцы. Адміністрацыя школ, дзе дзеці вучацца ў адну змену, будуць разглядаць магчымасць пачатку заняткаў менавіта з гэтага часу. У школах, якія працуюць у дзве змены, канчатковае рашэнне аб пачатку заняткаў (у 8.30 або 9.00) будуць прымаць адміністрацыі школ. Пры гэтым будзе ўлічвацца загрузка дзяцей другой змены і рабочы графік.

Пакуль Мінадукацыі праводзіць маніторынг сітуацыі, вывучае меркаванне бацькоў, настаўнікаў, адміністрацый школ.

Паводле слоў прэс-сакратара, бацькам у выпадку больш позняга пачатку заняткаў не трэба хвалявацца. Яны змогуць прыводзіць сваіх дзяцей у школу загадзя. Гадзіну да заняткаў дзеці будуць пад наглядам, з імі будуць займацца (напрыклад, рабіць зарадку) педагогі.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Час стаць прыкметней З 16 па 26 кастрычніка Дзяржаўтаінспекцыя праводзіць рэспубліканскую акцыю па прафілактыцы гібелі і траўматызму людзей на дарогах у цёмны час сутак.