21 красавіка, Мінск /Кар. БЕЛТА/. Патрабаванні да ўсіх галін улады будуць толькі ўзмацняцца. Аб гэтым Прэзідэнт Беларусі Аляксандр Лукашэнка заявіў сёння ў Пасланні беларускаму народу і Нацыянальнаму сходу, перадае карэспандэнт БЕЛТА.
"На сённяшні дзень наша жыццёвая неабходнасць - гэта нарошчванне экспарту і прыцягненне інвестыцый. Я вельмі строга патрабую выканання гэтых задач, таму што ведаю, што гэтыя пытанні сёння можна вырашыць. Калі б нельга было вырашыць, не было б такога націску, - падкрэсліў Прэзідэнт. - Націск на выканаўчыя органы, усе галіны ўлады будзе толькі ўзмацняцца. Мы павінны паказаць усяму свету, што здольны функцыянаваць як суверэнная незалежная дзяржава. Калі хто-небудзь хоча падняўшы рукі ісці здавацца - калі ласка".
"Я яшчэ глыбока не ўнікаў, не глядзеў вынікі першага квартала гэтага года, але думаю, што ўсе разумеюць службовыя асобы, у тым ліку вышэйшыя, што хлусіць небяспечна. Намецілася нейкая тэндэнцыя наперад, як яны заяўляюць. Гатовы ў гэта паверыць. І гэта мы зрабілі літаральна за сакавік і некалькі дзён красавіка. Таму што студзень-люты поўнасцю правалілі і праспалі", - сказаў кіраўнік дзяржавы.-0-
