18 лютага, Мінск /Аліна Грышкевіч - БЕЛТА/. Дзяржава ўкладвае ў спорт шмат сродкаў, але належнай аддачы ад гэтага пакуль няма. Аб гэтым сёння заявіў Прэзідэнт Беларусі Аляксандр Лукашэнка, выступаючы на цырымоніі адкрыцця Палаца спорту "Уручча" і міжнароднага дзіцячага турніру па гандболе, перадае карэспандэнт БЕЛТА.
Кіраўнік дзяржавы адзначыў, што новы Палац спорту "Уручча" шматпрофільны, але ўсё ж асноўная ўвага тут будзе ўдзелена гандболу і яго папулярызацыі. "Але хопіць гаварыць аб папулярызацыі. Трэба выйграваць, - запатрабаваў Прэзідэнт. - Мы шмат укладваем у спорт, але аддачы належнай пакуль не атрымалі".
Аляксандр Лукашэнка падкрэсліў, што дзяржава гатова падтрымліваць спартсменаў, у тым ліку гандбалістаў, але яна падставіць плячо толькі там, дзе гэта неабходна. Спартсмены ж павінны радаваць вынікамі.
"Нам патрэбны вынік. І трэба даваць вынікі ў спорце вышэйшых дасягненняў", - падкрэсліў Прэзідэнт. На яго думку, для гэтага ёсць усе неабходныя ўмовы.-0-