Мабільная версія
ДЗЯРЖОРГАНЫ
Апошнія навіны
Усе навіны

Пасяджэнне Савета міністраў унутраных спраў СНД пройдзе 19-21 ліпеня ў Баку

Палітыка 13.07.2018 | 16:21

13 ліпеня, Мінск /Кар. БЕЛТА/. Пасяджэнне Савета міністраў унутраных спраў СНД пройдзе 19-21 ліпеня ў Баку, паведамілі БЕЛТА ў прэс-службе Выканаўчага камітэта СНД.

Прадстаўнікі сілавых ведамстваў разгледзяць ход рэалізацыі міждзяржаўных праграм барацьбы са злачыннасцю, а таксама прааналізуюць супрацоўніцтва МУС (паліцыі) дзяржаў Садружнасці. У прыватнасці, абмяркуюць узаемадзеянне органаў унутраных спраў па процідзеянні новым відам злачынстваў, што ўчыняюцца на тэрыторыі СНД у сферы сучасных інфармацыйных тэхналогій.

Савет разгледзіць пытанне надзялення Маскоўскага ўніверсітэта МУС Расіі імя У.Я.Кікаця статусам базавай арганізацыі дзяржаў СНД па падрыхтоўцы кадраў у сферы барацьбы са злачынствамі, што ўчыняюцца з выкарыстаннем інфармацыйных тэхналогій. Плануецца ацаніць ход распрацоўкі праектаў дакументаў, якія рэгламентуюць парадак міждзяржаўнага ўзаемадзеяння па вяртанні ў краіну людзей, якія падлягаюць прымусовай высылцы з адной дзяржавы ў іншую.

Па выніках Савета запланавана падпісанне пратакола аб унясенні змяненняў у Пагадненне аб супрацоўніцтве дзяржаў СНД у барацьбе з крадзяжамі аўтатранспартных сродкаў і забеспячэнні іх вяртання. Як адзначылі ў прэс-службе, да гэтага часу такія дакументы падпісваліся выключна на пасяджэнні Савета кіраўнікоў урадаў, упершыню права подпісу ад імя ўрадаў сваіх краін дэлегавана кіраўнікам МУС (паліцыі).-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Распрацоўкі маладых вучоных у Беларусі Агульная колькасць студэнтаў у ВНУ Беларусі складае амаль 284,3 тыс. чалавек. Колькасць студэнтаў, занятых у навуковых даследаваннях, складае каля 65 тыс.чалавек.