Мабільная версія
ДЗЯРЖОРГАНЫ
Апошнія навіны
Усе навіны

Качанава: у рабоце ўрада не можа быць дробязей

Палітыка 20.08.2018 | 13:58
Наталля Качанава
Наталля Качанава

20 жніўня, Мінск /Кар. БЕЛТА/. У рабоце ўрада не можа быць дробязей, заявіла кіраўнік Адміністрацыі Прэзідэнта Беларусі Наталля Качанава сёння на прадстаўленні новага складу ўрада супрацоўнікам Апарата Савета Міністраў, перадае карэспандэнт БЕЛТА.

Прэм'ер-міністрам Беларусі назначаны Сяргей Румас. Першым намеснікам прэм'ер-міністра стаў Аляксандр Турчын. Намеснікамі прэм'ер-міністра назначаны Ігар Ляшэнка, Уладзімір Кухараў, Ігар Петрышэнка. На пасадзе віцэ-прэм'ера застаецца Міхаіл Русы. Размеркаванне абавязкаў паміж віцэ-прэм'ерамі будзе замацавана на гэтым тыдні ў адпаведным дакуменце ўрада.

Прэм'ер-міністр Сяргей Румас
Прэм'ер-міністр Сяргей Румас'

Першы намеснік прэм'ер-міністра Аляксандр Турчын
Першы намеснік прэм'ер-міністра Аляксандр Турчын'

Намеснікі прэм'ер-міністра Міхаіл Русы і Ігар Ляшэнка
Намеснікі прэм'ер-міністра Міхаіл Русы і Ігар Ляшэнка'

У час прадстаўлення Уладзіміра Кухарава, назначанага намеснікам прэм'ер-міністра
У час прадстаўлення Уладзіміра Кухарава, назначанага намеснікам прэм'ер-міністра'

У час прадстаўлення Ігара Петрышэнкі, назначанага намеснікам прэм'ер-міністра
У час прадстаўлення Ігара Петрышэнкі, назначанага намеснікам прэм'ер-міністра'

"Думаю, што Сяргей Мікалаевіч (Румас. - Заўвага БЕЛТА) яшчэ ўважліва вывучыць структуру ўрада, функцыянальныя абавязкі кожнага. Кіраўнік дзяржавы паставіў такую задачу - разабрацца з функцыяналам. Магчыма, будуць нейкія іншыя змяненні, аб гэтым кіраўнік урада паведаміць, калі будуць прыняты такія рашэнні", - сказала кіраўнік Адміністрацыі Прэзідэнта.

Наталля Качанава звярнула ўвагу, што Адміністрацыя Прэзідэнта і ўрад працуюць ва ўзаемадзеянні, і гэта павінна быць сапраўды эфектыўная сумесная плённая дзейнасць. Гэта, перш за ўсё, выкананне даручэнняў кіраўніка дзяржавы, абазначаных у Пасланні беларускаму народу і Нацыянальнаму сходу ў бягучым годзе, задачы, пастаўленыя на пятым Усебеларускім народным сходзе, на нарадах у Прэзідэнта. "Усе пастаўленыя задачы павінны выконвацца, - падкрэсліла Наталля Качанава. - Самае галоўнае - гэта народ, людзі. Гэта галоўная ідэалогія і палітыка".

Кіраўнік Адміністрацыі нагадала, што ключавая задача, пастаўленая кіраўніком дзяржавы, - гэта развіццё ўсіх рэгіёнаў краіны. Была праведзена вялікая работа па развіцці аграгарадкоў, абласных цэнтраў, цяпер ставіцца задача заняцца сярэднімі гарадамі, дзе пражываюць больш за 50-80 тыс. чалавек. "Трэба паглядзець, як яны развіваюцца, жывуць і працуюць, таму што пераразмеркаванне працоўных рэсурсаў вельмі важна ў нашай краіне, - заўважыла яна. - Трэба выканаць пастаўленыя Прэзідэнтам задачы, каб развіваліся ўсе рэгіёны. Нельга думаць аб тым, што толькі ў Мінск людзі прыедуць і будуць працаваць. Павінны быць высокаэфектыўныя прадпрыемствы ў кожным горадзе і раёне, каб людзі разумелі, што ў іх ёсць работа".

"Усім, хто працуе ва ўрадзе, трэба яшчэ раз уважліва паглядзець і зрабіць акцэнты на ключавых момантах, аб якіх гаварыў Прэзідэнт, і прыняць усе меры, каб пастаўленыя задачы былі рэалізаваны", - рэзюмавала Наталля Качанава і пажадала новаму складу ўрада поспехаў і плённай працы.-0-

Фота Андрэя Пакумейкі

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Распрацоўкі маладых вучоных у Беларусі Агульная колькасць студэнтаў у ВНУ Беларусі складае амаль 284,3 тыс. чалавек. Колькасць студэнтаў, занятых у навуковых даследаваннях, складае каля 65 тыс.чалавек.