Жаночая зборная па біятлоне фінішавала восьмай на этапе Кубка свету ў нямецкім Рупольдынгу. Пераможцай эстафеты стала каманда Германіі - 1 гадзiна 9 хвілін 50,3 секунд (0+6). Другое месца занялі біятланісткі Францыі - 3,5 секунд (0+7), бронзавыя медалі заваявалі нарвежкі - 4,5 секунд (0+1).
Зборная Беларусі ў складзе Надзеі Скардзіна, Надзеі Пісаравай, Дар'і Домрачавай і Ірыны Крыўко ўступіла пераможцам гонкі +2 хвіліны 39,0 секунд (0+10). Дар'я Домрачава, якая вярнулася ў вялікі спорт, выступіла на трэцім этапе.
На здымку: Дар'я Домрачава і Ірына Крыўко.
