У час свята мастацтваў "Музы Нясвіжа" 19 мая ў цэнтральнай раённай бібліятэцы прайшлі навуковыя чытанні "Сувязь пакаленняў і эпох", а таксама канцэртная праграма струннага квартэта Нацыянальнага акадэмічнага канцэртнага аркестра Беларусі.
Свята мастацтваў займае асаблівае месца ў беларускай культуры. Яно праводзіцца Нацыянальным акадэмічным канцэртным аркестрам Беларусі пры падтрымцы Мінскага аблвыканкама і Нясвіжскага райвыканкама і кожны год знаёміць жыхароў рэгіёна з навінкамі музыкі, мастацтва і навукі.
На здымку: струнны квартэт Нацыянальнага акадэмічнага канцэртнага аркестра Беларусі.