Дзяржава стварае ўсе неабходныя ўмовы для развіцця і самарэалізацыі сваіх юных грамадзян. Аб гэтым заявіў старшыня Канстытуцыйнага суда Пётр Міклашэвіч на ўручэнні пашпартоў грамадзян Беларусі таленавітым хлопцам і дзяўчатам Брэсцкай і Магілёўскай абласцей і г.Мінска.
Цырымонія адбылася ў новым будынку Канстытуцыйнага суда ў Дзень Канстытуцыі. У час цырымоніі пуцёўку ў дарослае жыццё атрымалі 26 юнакоў і дзяўчат, якія дасягнулі 14-годдзя. Уручэнне пашпартоў стала фінальным мерапрыемствам усебеларускай акцыі БРСМ "Мы - грамадзяне Беларусі!".
На здымку: старшыня Канстытуцыйнага суда Пётр Міклашэвіч уручыў пашпарт Кацярыне Лойка.
