Фотавыстаўка Беларускага тэлеграфнага агенцтва, прысвечаная розным падзеям у жыцці краіны, адкрылася 25 ліпеня ў ГЗЦ Galleria Minsk.
Экспазіцыя з 40 фотаработ размясцілася на першым паверсе ў галоўным холе гандлёва-забаўляльнага цэнтра. Плануецца, што выстаўка будзе дзейнічаць да Новага года. Асаблівасць у тым, што яна будзе рэгулярна абнаўляцца. На фота будуць адлюстраваны падзеі некалькіх апошніх месяцаў, і наведвальнікі змогуць больш даведацца пра жыццё Беларусі.
Выставачны праект арганізаваны БЕЛТА сумесна з Адміністрацыяй Цэнтральнага раёна сталіцы.
На здымку: на фотавыстаўцы БЕЛТА ў ГЗЦ Galleria Minsk.