Магілёўская вобласць і правінцыя Мпумаланга Паўднёва-Афрыканскай Рэспублікі падпісалі мемарандум аб супрацоўніцтве. Подпісы пад дакументам паставілі намеснік старшыні Магілёўскага аблвыканкама Віктар Некрашэвіч і кіраўнік урада правінцыі Мпумаланга Дэвід Дабедэ Мабуза.
Праграмай візіту гасцей з ПАР прадугледжана наведванне холдынга "Бабуліна крынка", азнаямленне з вучэбным працэсам у Беларускай сельскагаспадарчай акадэміі, з вытворчасцю сельгастэхнікі ў ААТ "Бабруйскаграмаш".
На здымку: дэлегацыя з ПАР у час наведвання холдынга "Бабуліна крынка".
