4 сакавіка, Мінск /Кар. БЕЛТА/. Міністр эканомікі Беларусі Уладзімір Зіноўскі 3 сакавіка ў эфіры тэлеканала АНТ задаўся пытаннем, чаму б не аддаць 1 млн кв.м свабодных плошчаў прадпрымальнікам, паведамляе БЕЛТА.
Міністр нагадаў, што ўказ нумар 78 аб мерах па павышэнні эфектыўнасці сацыяльна-эканамічнага комплексу Беларусі прадугледжвае штогадовае стварэнне 50 тыс. рабочых месц. "Улада абавязана ствараць новыя рабочыя месцы. Лічба 50 тыс. апраўдана і дакладна падлічана. У рэгіёнах у нас будуюцца прадпрыемствы, цэлыя заводы, дзе нам патрэбны будуць кадры", - сказаў Уладзімір Зіноўскі.
З іншага боку, паводле яго слоў, у Беларусі ёсць больш за 1 млн кв.м свабодных плошчаў. "Чаму гэтыя плошчы за мізэрную плату не прадаць або не аддаць для развіцця вытворчага бізнесу малым прадпрыемствам. Прадпрымальнік атрымае свае дывідэнды, дзяржава - падаткі і занятасць", - адзначыў ён.
Ствараць рабочыя месцы будуць за кошт бізнесу, а таксама сродкаў Міністэрства працы і сацыяльнай абароны, што выдзяляюцца на перанавучанне кадраў.-0-
