5 сакавіка, Мінск /Кар. БЕЛТА/. Комплексны заканадаўчы акт аб рабоце рынку праблемных актываў будзе падрыхтаваны ў Беларусі да 1 студзеня 2019 года. Гэта прадугледжана пастановай Савета Міністраў і Нацыянальнага банка нумар 158/4 "Аб некаторых пытаннях фарміравання рынку праблемных актываў" ад 27 лютага 2018 года, якая апублікавана на Нацыянальным прававым інтэрнэт-партале, паведамляе карэспандэнт БЕЛТА.
Адказнымі службовымі асобамі па арганізацыі падрыхтоўкі дакумента назначаны першы намеснік прэм'ер-міністра Васіль Мацюшэўскі і намеснік старшыні праўлення Нацыянальнага банка Дзмітрый Лапко.
Акт будзе вызначаць эканамічныя, заканадаўчыя і інстытуцыянальныя ўмовы функцыянавання рынку праблемных актываў, а таксама агульны прававы рэжым дзейнасці ўдзельнікаў рынку, які прадугледжвае ў тым ліку пашырэнне кампетэнцыі Агенцтва па кіраванні актывамі.
Адказным службовым асобам даручана зацвердзіць склады ўдзельнікаў груп па падрыхтоўцы дакумента і графік работы над заканадаўчым актам.-0-
