3 сакавіка, Мінск /Кар. БЕЛТА/. Урад зацвердзіў меры па рэалізацыі закона "Аб рэспубліканскім бюджэце на 2018 год". Гэта прадугледжана пастановай Савета Міністраў ад 2 сакавіка 2018 года нумар 174, паведамілі карэспандэнту БЕЛТА ў прэс-службе ўрада.
Устаноўлена, што ў 2018 годзе рэспубліканскія органы дзяржкіравання, дзяржарганізацыі, падпарадкаваныя ўраду, выканкамы, бюджэтныя арганізацыі заключаюць дагаворы аб пастаўцы тавараў (выкананні работ, аказанні паслуг) у межах бюджэтных асігнаванняў.
Мінфін у 2018 годзе будзе фінансаваць расходы ў межах даходаў, што паступаюць у рэспубліканскі бюджэт. Выключэнне складаюць сродкі, якія паступаюць ад вывазных мытных пошлін адносна асобных катэгорый тавараў, выпрацаваных з нафты, вывозімых з тэрыторыі Беларусі за межы мытнай тэрыторыі ЕАЭС, якія накіроўваюцца на пагашэнне дзярждоўгу, а таксама сродкі, прыцягнутыя ў адпаведнасці з напрамкамі выкарыстання прафіцыту (крыніцамі фінансавання дэфіцыту) рэспубліканскага бюджэту.
Мінфіну даручана не дапускаць перавышэння лімітаў унутранага і знешняга дзяржаўнага доўгу, ажыццяўляць абслугоўванне і пагашэнне знешняга дзярждоўгу з прыцягненнем сродкаў рэспубліканскага бюджэту ў адпаведнасці з пералікам дзяржаўных пазык. Мінфіну таксама неабходна прымаць рашэнні па выпуску дзяржаўных каштоўных папер у межах агульнага аб'ёму эмісіі, прадугледжанага ў рэспубліканскім бюджэце.
Пастанова ўступае ў сілу пасля яе афіцыйнага апублікавання і распаўсюджвае сваё дзеянне на адносіны, што ўзніклі з 1 студзеня 2018 года.-0-
