12 сакавіка, Мінск /Юлія Дылянок - БЕЛТА/. ТАА "Міжнародная тэхналагічная кампанія "Інтэлектуальнае абсталяванне" паставіла ў Беларусь два беспілотныя аўтамабілі для правядзення выпрабаванняў, паведаміў карэспандэнту БЕЛТА кіраўнік адміністрацыі Кітайска-беларускага індустрыяльнага парка "Вялікі камень" Аляксандр Ярашэнка.
"Адзін з нашых рэзідэнтаў будзе займацца выпрабоўваннем беспілотных аўтамабіляў на электрычнай цязе. Яны паставілі ўжо ў Беларусь два такія аўтамабілі. Цяпер мы актыўна прапрацоўваем пытанне з тым, каб пачаць выпрабаванні, напрацоўваем базу для руху гэтага праекта наперад, таму што праект сапраўды вельмі цікавы", - адзначыў Аляксандр Ярашэнка.
Як паведамлялася, дагаворам з ТАА "Міжнародная тэхналагічная кампанія "Інтэлектуальнае абсталяванне" прадугледжана, што інвестар на працягу 2018-2020 гадоў пабудуе навукова-даследчы цэнтр агульнай плошчай больш як 30 тыс. кв.м. Аб'ём інвестыцый складзе каля $5 млн.-0-
