9 лістапада, Мінск /Кар. БЕЛТА/. Нацыянальны банк Беларусі рэалізаваў аблігацыі ў замежнай валюце на $25 млн, паведамілі БЕЛТА ў Нацбанку.
Аўкцыён па першасным размяшчэнні аблігацый Нацыянальнага банка, намініраваных у замежнай валюце, адбыўся 9 лістапада ў форме аўкцыёну працэнтных ставак на тэрмін 365 дзён. Да яго былі дапушчаны заяўкі, якія змяшчаюць 13 прапаноў ад чатырох удзельнікаў са стаўкамі ад 3,02 працэнта да 3,27 працэнта гадавых на агульную суму $42,19 млн. Прынята рашэнне ўстанавіць фактычны аб'ём размяшчэння $25 млн, сярэднеўзважаная стаўка склала 3,17 працэнта гадавых, задаволена 9 прапаноў ад трох удзельнікаў.
Наступны аўкцыён па размяшчэнні валютных аблігацый пройдзе 23 лістапада. Плануемы аб'ём аперацый - $25 млн.-0-