31 кастрычніка, Мінск /Кар. БЕЛТА/. Міністэрства фінансаў з 1 лістапада панізіць цэны на каштоўныя металы ў вырабах і ломе, што скупляюцца ў фізічных асоб (акрамя куплі-продажу банкаўскімі і нябанкаўскімі крэдытна-фінансавымі арганізацыямі каштоўных металаў у выглядзе мерных зліткаў і манет у фізічных асоб). Адпаведная інфармацыя размешчана на сайце ведамства, паведамляе БЕЛТА.
Цана за грам золата ў вырабах і ломе знізілася на 10 працэнтаў (375-й пробы - да Br24,53, 500-й пробы - да Br32,71, 583-й і 585-й проб - да Br38,26).
Кошт плаціны 950-й пробы ў вырабе і ломе зменшыцца амаль на 20 працэнтаў і складзе Br47,40.
Серабро ў вырабах і ломе будуць скупляць танней на 17 працэнтаў (750-й пробы - па Br0,68, 800-й пробы - па Br0,73, 875-й пробы - па Br0,8).
Цана за зубныя пратэзы, элементы зубных пратэзаў з золатам 900/750-й пробы знізіцца на 10 працэнтаў да Br57,89, на элементы здымных зубных пратэзаў са сплаву золата 750-й пробы з плацінай і серабром - да Br53,62. Грам дэталей зубных пратэзаў сярэбрана-паладыевага сплаву будзе каштаваць Br7,09 (на 9,6 працэнта менш).
Апошні раз цэны на скупку вырабаў і лому з каштоўных металаў у фізічных асоб у Беларусі змяняліся 22 жніўня, тады яны былі павышаны.-0-
