Мабільная версія
ДЗЯРЖОРГАНЫ
Апошнія навіны
Усе навіны

Эстафета Дня беларускага пісьменства ўрачыста перададзена гораду Іванава Брэсцкай вобласці

Культура 04.09.2017 | 11:47
Старшыня Іванаўскага райвыканкама Юрый Бісун прымае эстафету ў старшыні Полацкага райвыканкама Мікалая Шаўчука
Старшыня Іванаўскага райвыканкама Юрый Бісун прымае эстафету ў старшыні Полацкага райвыканкама Мікалая Шаўчука

4 верасня, Полацк /Алёна Ціханава - БЕЛТА/. Эстафета Дня беларускага пісьменства ўрачыста перададзена гораду Іванава Брэсцкай вобласці, перадае карэспандэнт БЕЛТА.

Юбілейны ХХV Дзень беларускага пісьменства ў 2018 годзе пройдзе ў горадзе Іванава Брэсцкай вобласці. У Полацку 3 верасня адбылася перадача эстафеты свята.

Міністр інфармацыі Лілія Ананіч адзначыла, што сёлетні Дзень пісьменства ў Полацку насычаны мноствам разнастайных мерапрыемстваў. "Наступны Дзень пісьменства юбілейны, і гэта абавязвае таксама правесці свята на найвышэйшым узроўні", - падкрэсліла яна.

Старшыня Полацкага райвыканкама Мікалай Шаўчук выказаў словы ўдзячнасці ад жыхароў Полацка за права правесці Дзень пісьменства ў Полацку трэці раз. "Палачане зрабілі ўсё, каб свята ўдалося. І мы перадаём эстафету гораду Іванава. Шчаслівай дарогі, Дзень пісьменства", - сказаў кіраўнік раёна.

У сваю чаргу старшыня Іванаўскага райвыканкама Юрый Бісун падкрэсліў, што дэлегацыя Іванава з вялікім задавальненнем прыняла ўдзел у святкаванні Дня пісьменства ў Полацку, які з'яўляецца гістарычным цэнтрам культуры, навукі, літаратуры і кнігадрукавання. У горадзе, які быў удастоены гонару прымаць першы Дзень беларускага пісьменства.

"Мы ганарымся тым, што ў 2018 годзе месцам правядзення юбілейнага Дня беларускага пісьменства выбраны наш горад Іванава - старажытны Янаў з багатай гістарычнай спадчынай і духоўнымі традыцыямі народа. На Іванаўшчыне пачаўся род класіка рускай літаратуры Фёдара Дастаеўскага, культурнага і грамадскага дзеяча Напалеона Орды. Наша зямля ўзгадавала многіх сучасных літаратараў", - сказаў Юрый Бісун. Ён выказаў упэўненасць, што Іванава дастойна прыме гасцей і пазнаёміць са сваёй спадчынай.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Пробны перапіс насельніцтва У Маладзечанскім раёне Мінскай вобласці 2-13 кастрычніка пройдзе пробны перапіс насельніцтва, які стане падрыхтоўчым этапам перапісу насельніцтва Беларусі 2019 года. Прайсці апытанне можна дома і на стацыянарных участках.