ДЗЯРЖОРГАНЫДЗЯРЖОРГАНЫ
Флаг Чацвер, 6 мая 2021
Мінск Суцэльная воблачнасць +6°C
Усе навіны
Усе навіны
Спорт
09 сакавіка 2021, 10:54

Вызначыліся сапернікі беларусак у кваліфікацыі жаночага Еўрабаскета

Фота з архіва
Фота з архіва

9 сакавіка, Мінск /Кар. БЕЛТА/. У іспанскай Валенсіі адбылася жараб'ёўка груп фінальнай стадыі 38-га жаночага чэмпіянату Еўропы па баскетболе, паведамляе карэспандэнт БЕЛТА.

Зборная Беларусі згуляе ў папярэдняй групе А разам з камандамі Швецыі, Іспаніі і Славакіі.

Склады астатніх квартэтаў:

В - Сербія, Італія, Чарнагорыя, Грэцыя.

С - Бельгія, Боснія і Герцагавіна, Славенія, Турцыя.

D - Францыя, Чэхія, Харватыя, Расія.

Пасля першага этапу пераможцы груп атрымаюць прамыя пуцёўкі ў чвэрцьфінал. Каманды, якія зоймуць 2-3-я месцы, правядуць кваліфікацыйныя паядынкі за выхад у 1/4 фіналу.

Фінальную стадыю жаночага кантынентальнага першынства з 17 па 27 чэрвеня прымуць іспанская Валенсія і французскі Страсбург. На мінулым чэмпіянаце Еўропы золата заваявалі баскетбалісткі Іспаніі, якія разграмілі ў фінале францужанак - 86:66, бронзавым прызёрам стала зборная Сербіі, якая перамагла ў гульні за 3-е месца каманду Вялікабрытаніі - 81:55. Зборная Беларусі выступіла няўдала, не здолеўшы пераадолець групавы этап. Лепшым дасягненнем беларускіх баскетбалістак стала 3-е месца, якое яны занялі ў 2007 годзе на дэбютным для сябе першынстве ў Італіі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі