17 студзеня, Мінск /Кар. БЕЛТА/. Выканкам Нацыянальнага алімпійскага камітэта Беларусі зацвердзіў склад беларускай дэлегацыі на 2-я зімовыя гульні "Дзеці Азіі", паведамілі БЕЛТА ў прэс-службе НАК Беларусі.
У каманду ўвайшлі 68 юных спартсменаў да 16 гадоў у наступных відах спорту: хакей з шайбай, снаўборд, скачкі на лыжах з трампліна, лыжныя гонкі, фігурнае катанне на каньках, канькабежны і гарналыжны спорт. Плануемая агульная колькасць дэлегацыі з улікам трэнерскага, медыцынскага і адміністрацыйнага персаналу - 94 чалавекі.
Міжнародныя спартыўныя гульні "Дзеці Азіі" пройдуць з 23 лютага па 5 сакавіка ў Кемераўскай вобласці.
На першым у бягучым годзе пасяджэнні выканкама разгледжаны таксама іншыя пытанні дзейнасці НАК Беларусі.-0-
