Алег Тамашэвіч. Фота з архіва
12 ліпеня, Мінск /Кар. БЕЛТА/. Беларус Алег Тамашэвіч узяў золата ў штурханні ядра на Кубку мацнейшых спартсменаў па лёгкай атлетыцы, які стартаваў у Брэсце, паведамляе карэспандэнт БЕЛТА.
За прызы ў мужчынскім штурханні ядра змагаліся па чатыры лепшыя прадстаўнікі гэтай дысцыпліны з Беларусі і Расіі. Упэўненую перамогу атрымаў лідар нашай каманды Алег Тамашэвіч - у кожнай з шасці спроб беларус адпраўляў снарад за адзнаку 20 м, найбольш удачным аказаўся чацвёрты выхад у сектар з кідком на 20,98 м. Другім стаў расіянін Сямён Барадаеў (20,19), тройку замкнуў яго суайчыннік Максім Афонін (19,94). Яшчэ адзін наш спартсмен Яўген Брыгі размясціўся пятым за 30 сантыметраў ад бронзы.
Раней у бягучым сезоне Алег Тамашэвіч перамагаў на міжнародным турніры "Руская зіма", чэмпіянаце Расіі ў памяшканні, фінальным этапе серыі "Снежная каралева", усерасійскіх спаборніцтвах па штурханні ядра ў Маскве і Сочы, рэспубліканскай Універсіядзе, камандным чэмпіянаце і Кубку Расіі, а таксама быў прызёрам Мемарыяла братоў Знаменскіх.
Першы камплект узнагарод Кубка мацнейшых быў разыграны ў спартыўнай хадзьбе на 10 000 м у мужчын. Увесь п'едэстал занялі спартсмены з Расіі: першым фінішную рысу перасек Сяргей Кажэўнікаў, кампанію яму на подыуме склалі Даніла Мартынаў і Аляксандр Гарын. Лепшы з беларусаў Мікіта Каляда быў пятым. Усяго ўдзел у галоўным старце сезона ў Брэсце прымаюць каля 300 лёгкаатлетаў.-0-
За прызы ў мужчынскім штурханні ядра змагаліся па чатыры лепшыя прадстаўнікі гэтай дысцыпліны з Беларусі і Расіі. Упэўненую перамогу атрымаў лідар нашай каманды Алег Тамашэвіч - у кожнай з шасці спроб беларус адпраўляў снарад за адзнаку 20 м, найбольш удачным аказаўся чацвёрты выхад у сектар з кідком на 20,98 м. Другім стаў расіянін Сямён Барадаеў (20,19), тройку замкнуў яго суайчыннік Максім Афонін (19,94). Яшчэ адзін наш спартсмен Яўген Брыгі размясціўся пятым за 30 сантыметраў ад бронзы.
Раней у бягучым сезоне Алег Тамашэвіч перамагаў на міжнародным турніры "Руская зіма", чэмпіянаце Расіі ў памяшканні, фінальным этапе серыі "Снежная каралева", усерасійскіх спаборніцтвах па штурханні ядра ў Маскве і Сочы, рэспубліканскай Універсіядзе, камандным чэмпіянаце і Кубку Расіі, а таксама быў прызёрам Мемарыяла братоў Знаменскіх.
Першы камплект узнагарод Кубка мацнейшых быў разыграны ў спартыўнай хадзьбе на 10 000 м у мужчын. Увесь п'едэстал занялі спартсмены з Расіі: першым фінішную рысу перасек Сяргей Кажэўнікаў, кампанію яму на подыуме склалі Даніла Мартынаў і Аляксандр Гарын. Лепшы з беларусаў Мікіта Каляда быў пятым. Усяго ўдзел у галоўным старце сезона ў Брэсце прымаюць каля 300 лёгкаатлетаў.-0-
Падпісвайцеся на нас у
