Фота НАК
26 кастрычніка, Мінск /Кар. БЕЛТА/. У Інчхоне (Рэспубліка Карэя) завяршыўся другі этап Кубка свету па плаванні 2024 года з удзелам беларускіх спартсменаў, паведамляе карэспандэнт БЕЛТА.
У заключны дзень спаборніцтваў за ўзнагароды змагаліся чатыры нейтральныя атлеты з Беларусі. Па выніках ранішніх папярэдніх заплываў лепшы вынік на дыстанцыі 200 м на спіне паказала Настасся Шкурдай - у фінале брастаўчанка фінішавала другой (2:01,51 сек), уступіўшы дзве секунды тытулаванай амерыканцы Рэган Сміт. Тыдзень таму на першым этапе Кубка свету ў Шанхаі Шкурдай таксама заваявала серабро ў гэтай дысцыпліне.
Другі асабісты медаль турніру ў Інчхоне выйграла Аліна Змушко: сёння беларуска фінішавала трэцяй на дыстанцыі брасам з часам 29,80 сек. Апярэдзіць нашу спартсменку здолелі кітаянка Тан Цянцін і італьянка Бенедэта Пілата. Напярэдадні Змушко была другой на дыстанцыі ў два разы даўжэй.
Пераможца на сотні брасам у мужчын Ілья Шымановіч сёння не змог паўтарыць поспех на 200-метроўцы - лідар мужчынскай каманды стаў толькі восьмым. Яшчэ адна наша плыўчыха Настасся Куляшова размясцілася шостай на дыстанцыі 100 м батэрфляем.
Такім чынам, агульны вынік беларускай дэлегацыі на спаборніцтвах у Рэспубліцы Карэя склаў пяць узнагарод (1-3-1). Трэці і заключны этап Кубка свету па плаванні ў 2024 годзе пройдзе ў Сінгапуры з 31 кастрычніка па 2 лістапада.-0-
У заключны дзень спаборніцтваў за ўзнагароды змагаліся чатыры нейтральныя атлеты з Беларусі. Па выніках ранішніх папярэдніх заплываў лепшы вынік на дыстанцыі 200 м на спіне паказала Настасся Шкурдай - у фінале брастаўчанка фінішавала другой (2:01,51 сек), уступіўшы дзве секунды тытулаванай амерыканцы Рэган Сміт. Тыдзень таму на першым этапе Кубка свету ў Шанхаі Шкурдай таксама заваявала серабро ў гэтай дысцыпліне.
Другі асабісты медаль турніру ў Інчхоне выйграла Аліна Змушко: сёння беларуска фінішавала трэцяй на дыстанцыі брасам з часам 29,80 сек. Апярэдзіць нашу спартсменку здолелі кітаянка Тан Цянцін і італьянка Бенедэта Пілата. Напярэдадні Змушко была другой на дыстанцыі ў два разы даўжэй.
Пераможца на сотні брасам у мужчын Ілья Шымановіч сёння не змог паўтарыць поспех на 200-метроўцы - лідар мужчынскай каманды стаў толькі восьмым. Яшчэ адна наша плыўчыха Настасся Куляшова размясцілася шостай на дыстанцыі 100 м батэрфляем.
Такім чынам, агульны вынік беларускай дэлегацыі на спаборніцтвах у Рэспубліцы Карэя склаў пяць узнагарод (1-3-1). Трэці і заключны этап Кубка свету па плаванні ў 2024 годзе пройдзе ў Сінгапуры з 31 кастрычніка па 2 лістапада.-0-
Падпісвайцеся на нас у
