ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Суцэльная воблачнасць +20°C
Усе навіны
Усе навіны
Спорт
08 лістапада 2021, 11:29

Сасновіч, Гаварцова, Гатоўка і Шымановіч палепшылі пазіцыі ў рэйтынгу WTA

8 лістапада, Мінск /Кар. БЕЛТА/. Адразу чатыры прадстаўніцы Беларусі палепшылі свае пазіцыі ў абноўленым сёння рэйтынгу Жаночай тэніснай асацыяцыі (WTA), паведамляе карэспандэнт БЕЛТА.

Аляксандра Сасновіч перамясцілася з 88-га на 85-е месца, маючы 850 рэйтынгавых ачкоў. Учора Аляксандра Сасновіч паспяхова стартавала на турніры ў аўстрыйскім Лінцы, абыграўшы ў 1/16 фіналу францужанку Фіёну Фэра, а ў другім раўндзе сустрэнецца з экс-першай ракеткай планеты румынкай Сімонай Халеп, якая цяпер займае 22-е месца. На адзін радок паднялася Вольга Гаварцова і знаходзіцца на 135-й пазіцыі (564 ачкі), Юлія Гатоўка займае рэкорднае для сябе 189-е месца (365), а Ірына Шымановіч на 262-м радку (260).

Лепшыя беларускія тэнісісткі захавалі свае ранейшыя пазіцыі: Арына Сабаленка другая (6130), Вікторыя Азаранка 27-я (2166).

Топ-10 рэйтынгу WTA:

1. Эшлі Барці (Аўстралія) - 7582 ачкі;

2. Арына Сабаленка (Беларусь) - 6130;

3. Барбара Крэйчыкава (Чэхія) - 4708;

4. Караліна Плішкава (Чэхія) - 4510;

5. Гарбінье Мугуруса (Іспанія) - 4310;

6. Марыя Сакары (Грэцыя) - 3760;

7. Унс Джабір (Туніс) - 3455;

8. Анет Кантавейт (Эстонія) - 3396;

9. Іга Свёнтак (Польшча) - 3286.

10. Паўла Бадоса (Іспанія) - 3224.

Лідар мужчынскага рэйтынгу сербскі тэнісіст Новак Джокавіч учора стаў пераможцам турніру АТР-1000 у Парыжы і заваяваў свой 37-ы чэмпіёнскі тытул на спаборніцтвах вышэйшай катэгорыі. Ён абышоў іспанца Рафаэля Надаля па колькасці выйграных турніраў "Мастэрс". Акрамя таго, 34-гадовы серб устанавіў яшчэ адзін рэкорд - ён сёмы раз завершыць каляндарны год у рангу першай ракеткі планеты, перасягнуўшы ранейшае дасягненне амерыканца Піта Сампраса, які 6 разоў завяршаў год на першым радку рэйтынгу Асацыяцыі тэнісістаў-прафесіяналаў.

Лепшы з беларусаў Ілья Івашка цяпер знаходзіцца на 45-м месцы (1263), у Ягора Герасімава 113-я пазіцыя (675). Заўтра Герасімаў правядзе паядынак 1/16 фіналу турніру ў Стакгольме супраць амерыканскага тэнісіста Тэйлара Фрыца, які займае 26-е месца ў сусветным рэйтынгу.

Першая дзясятка рэйтынгу АТР:

1. Новак Джокавіч (Сербія) - 10 940 ачкоў;

2. Данііл Мядзведзеў (Расія) - 7640;

3. Аляксандр Звераў (Германія) - 6540;

4. Стэфанас Цыцыпас (Грэцыя) - 6540;

5. Андрэй Рублёў (Расія) - 4950;

6. Рафаэль Надаль (Іспанія) - 4875;

7. Матэа Берэціні (Італія) - 4568;

8. Каспер Рууд (Нарвегія) - 3760;

9. Хуберт Гуркач (Польшча) - 3706;

10. Янік Сінер (Італія) - 3395.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі