Фота з архіва
19 снежня, Мінск /Кар. БЕЛТА/. Футбалісты мінскага "Дынама" правядуць заключны паядынак агульнага этапу Лігі канферэнцый УЕФА, паведамляе карэспандэнт БЕЛТА.
Сёння ў матчы 6-га тура чэмпіёны Беларусі згуляюць у Афінах з грэчаскім "Панатынаікосам" (пачатак сустрэчы ў 23.00; прамая трансляцыя на тэлеканале СТБ). Гэту гульню рассудзіць брыгада арбітраў з Ірландыі, якую ўзначаліць Роберт Хенэсі. У папярэднім туры мінскія дынамаўцы спынілі серыю паражэнняў, абыграўшы ў Сумгаіце паўночнаірландскі "Ларн" з лікам 2:0. Да гэтага падапечныя Вадзіма Скрыпчанкі пацярпелі паражэні ад шатландскага "Хартса" з Эдынбурга (1:2), фінскага ХІКа з Хельсінкі (0:1), польскай "Легіі" з Варшавы (0:4) і дацкага "Капенгагена" (1:2). Футбалісты "Панатынаікоса" ў першым туры разышліся мірам у Бане-Луцы з баснійскім клубам "Борац" (1:1), потым пацярпелі два паражэнні - дома ад лонданскага "Чэлсі" (1:4) і на выездзе ад шведскага "Юргардэна" (1:2), а потым перамаглі на сваёй арэне ХІК (1:0) і абыгралі ў гасцях валійскі ТНС (2:0). Перад сустрэчай з мінчанамі афінскі клуб у 15-м туры чэмпіянату Грэцыі перамог на выездзе "Левадыякос" з лікам 1:0 і, набраўшы 29 ачкоў, займае чацвёртае месца ў турнірай табліцы.
Пасля пяці дзён гульні Лігі канферэнцый мінскія дынамаўцы займаюць 33-месца, а грэчаскі клуб знаходзіцца на 18-й пазіцыі сярод 36 удзельнікаў. Лідзіруе лонданскі "Чэлсі", у якога 15 ачкоў з 15 магчымых. На два балы менш набрала партугальская "Віторыя Гімарайнш", па 12 ачкоў у "Легіі", італьянскай "Фіярэнціны" і швейцарскага "Лугана".
Пасля фінішу агульнага этапу восем лепшых клубаў непасрэдна выйдуць у 1/8 фіналу Лігі канферэнцый. Каманды, якія зоймуць 9-24-я месцы, згуляюць у стыкавым раўндзе і вызначаць яшчэ восем удзельнікаў 1/8 фіналу. Далей турнір пойдзе па звычайнай сістэме на выбыванне. Стыкавыя сустрэчы адбудуцца 13 і 20 лютага 2025 года, матчы 1/8 фіналу пройдуць 6 і 13 сакавіка, чвэрцьфіналы намечаны на 10 і 17 красавіка, паўфіналы - на 1 і 8 мая. Фінальны паядынак трэцяга па рангу кантынентальнага клубнага турніру адбудзецца 28 мая ў польскім Вроцлаве.-0-
Сёння ў матчы 6-га тура чэмпіёны Беларусі згуляюць у Афінах з грэчаскім "Панатынаікосам" (пачатак сустрэчы ў 23.00; прамая трансляцыя на тэлеканале СТБ). Гэту гульню рассудзіць брыгада арбітраў з Ірландыі, якую ўзначаліць Роберт Хенэсі. У папярэднім туры мінскія дынамаўцы спынілі серыю паражэнняў, абыграўшы ў Сумгаіце паўночнаірландскі "Ларн" з лікам 2:0. Да гэтага падапечныя Вадзіма Скрыпчанкі пацярпелі паражэні ад шатландскага "Хартса" з Эдынбурга (1:2), фінскага ХІКа з Хельсінкі (0:1), польскай "Легіі" з Варшавы (0:4) і дацкага "Капенгагена" (1:2). Футбалісты "Панатынаікоса" ў першым туры разышліся мірам у Бане-Луцы з баснійскім клубам "Борац" (1:1), потым пацярпелі два паражэнні - дома ад лонданскага "Чэлсі" (1:4) і на выездзе ад шведскага "Юргардэна" (1:2), а потым перамаглі на сваёй арэне ХІК (1:0) і абыгралі ў гасцях валійскі ТНС (2:0). Перад сустрэчай з мінчанамі афінскі клуб у 15-м туры чэмпіянату Грэцыі перамог на выездзе "Левадыякос" з лікам 1:0 і, набраўшы 29 ачкоў, займае чацвёртае месца ў турнірай табліцы.
Пасля пяці дзён гульні Лігі канферэнцый мінскія дынамаўцы займаюць 33-месца, а грэчаскі клуб знаходзіцца на 18-й пазіцыі сярод 36 удзельнікаў. Лідзіруе лонданскі "Чэлсі", у якога 15 ачкоў з 15 магчымых. На два балы менш набрала партугальская "Віторыя Гімарайнш", па 12 ачкоў у "Легіі", італьянскай "Фіярэнціны" і швейцарскага "Лугана".
Пасля фінішу агульнага этапу восем лепшых клубаў непасрэдна выйдуць у 1/8 фіналу Лігі канферэнцый. Каманды, якія зоймуць 9-24-я месцы, згуляюць у стыкавым раўндзе і вызначаць яшчэ восем удзельнікаў 1/8 фіналу. Далей турнір пойдзе па звычайнай сістэме на выбыванне. Стыкавыя сустрэчы адбудуцца 13 і 20 лютага 2025 года, матчы 1/8 фіналу пройдуць 6 і 13 сакавіка, чвэрцьфіналы намечаны на 10 і 17 красавіка, паўфіналы - на 1 і 8 мая. Фінальны паядынак трэцяга па рангу кантынентальнага клубнага турніру адбудзецца 28 мая ў польскім Вроцлаве.-0-
Падпісвайцеся на нас у
