Фота з архіва
13 лістапада, Мінск /Кар. БЕЛТА/. Хакеісты мінскага "Дынама" сёння завершаць чарговую серыю матчаў на родным лёдзе ў рамках рэгулярнага чэмпіянату КХЛ сезона-2024/25, паведамляе карэспандэнт БЕЛТА.
Бягучую дамашнюю серыю падапечныя Дзмітрыя Квартальнава пачалі з паражэння ад канкурэнта за месца ў васьмёрцы лепшых каманд Захаду - "Віцязя" (1:4). 7 лістапада "зубры" прымалі "Салават Юлаеў": асноўны час завяршыўся ўнічыю 2:2, у серыі булітаў мінчане аказаліся больш дакладнымі. Мінулы тыдзень дынамаўцы закрылі матчам супраць "Поўначсталі" - тады гаспадары прапусцілі першымі, але затым адыграліся і здабылі перамогу з лікам 3:1. На гэты момант наша каманда з 27 ачкамі займае восьмае месца ў табліцы канферэнцыі, адрыў ад дзявятай пазіцыі і адставанне ад пятага радка складае два балы.
Пятым на Захадзе цяпер ідзе якраз "Тарпеда", прычым гэта месца ніжагародцы дзеляць з маскоўскім "Дынама" і ЦСКА. Падапечныя Ігара Ларывонава набіраюць ачкі ў чатырох матчах запар (дзве перамогі і два пройгрышы за межамі асноўнага часу), хоць да гэтага адрэзка "аўтазаводцы" перажылі серыю з чатырох няўдач запар. Адно з гэтых паражэнняў прыпала на паядынак з мінскім "Дынама" - 31 кастрычніка тарпедаўцы на сваім лёдзе былі бітыя з лікам 2:5. За калектыў з Ніжняга Ноўгарада выступаюць адразу тры беларускія хакеісты: галкіпер Іван Кульбакоў, абаронца Данііл Бокун і нападаючы Андрэй Бялевіч.
"Тарпеда" традыцыйна з'яўляецца нязручным сапернікам для сталічнага клуба: з дваццаці апошніх вочных матчаў дынамаўцы прайгралі пятнаццаць. Чарговае процістаянне "зуброў" і "аленяў" стартуе на "Мінск-Арэне" ў 19.10.-0-
Бягучую дамашнюю серыю падапечныя Дзмітрыя Квартальнава пачалі з паражэння ад канкурэнта за месца ў васьмёрцы лепшых каманд Захаду - "Віцязя" (1:4). 7 лістапада "зубры" прымалі "Салават Юлаеў": асноўны час завяршыўся ўнічыю 2:2, у серыі булітаў мінчане аказаліся больш дакладнымі. Мінулы тыдзень дынамаўцы закрылі матчам супраць "Поўначсталі" - тады гаспадары прапусцілі першымі, але затым адыграліся і здабылі перамогу з лікам 3:1. На гэты момант наша каманда з 27 ачкамі займае восьмае месца ў табліцы канферэнцыі, адрыў ад дзявятай пазіцыі і адставанне ад пятага радка складае два балы.
Пятым на Захадзе цяпер ідзе якраз "Тарпеда", прычым гэта месца ніжагародцы дзеляць з маскоўскім "Дынама" і ЦСКА. Падапечныя Ігара Ларывонава набіраюць ачкі ў чатырох матчах запар (дзве перамогі і два пройгрышы за межамі асноўнага часу), хоць да гэтага адрэзка "аўтазаводцы" перажылі серыю з чатырох няўдач запар. Адно з гэтых паражэнняў прыпала на паядынак з мінскім "Дынама" - 31 кастрычніка тарпедаўцы на сваім лёдзе былі бітыя з лікам 2:5. За калектыў з Ніжняга Ноўгарада выступаюць адразу тры беларускія хакеісты: галкіпер Іван Кульбакоў, абаронца Данііл Бокун і нападаючы Андрэй Бялевіч.
"Тарпеда" традыцыйна з'яўляецца нязручным сапернікам для сталічнага клуба: з дваццаці апошніх вочных матчаў дынамаўцы прайгралі пятнаццаць. Чарговае процістаянне "зуброў" і "аленяў" стартуе на "Мінск-Арэне" ў 19.10.-0-
Падпісвайцеся на нас у
