Фота ФК "Дынама-Мінск"
25 кастрычніка, Мінск /Кар. БЕЛТА/. Футбалісты мінскага "Дынама" другі раз прайгралі ў асноўным этапе Лігі канферэнцый, паведамляе карэспандэнт БЕЛТА.
У Хельсінкі падапечныя Вадзіма Скрыпчанкі ўступілі фінскаму ХІКу - 0:1. Адбіўшы стартавы націск гаспадароў, мінчане захапілі ініцыятыву, стварылі некалькі небяспечных момантаў каля варот сапернікаў, але лік не быў адкрыты. Адразу пасля перапынку фіны пайшлі наперад і ў першай жа атацы Ліэм Мелер вывеў ХІК наперад. Прапусціўшы мяч, дынамаўцы пачалі гуляць хутчэй, правялі шмат атак, але зраўнаваць рэзультат не ўдалося. На 82-й мінуце госці засталіся ў меншасці пасля таго, як Трафім Мельнічэнка згуляў рукой на лініі сваіх варот. Аднак гаспадары не выкарысталі шанц павялічыць сваю перавагу - галкіпер дынамаўцаў Фёдар Лапавухаў змог адбіць пенальці, якое прабіваў Люк Планж. У астатні час мінчане прадаўжалі атакаваць і на 2-й кампенсаванай мінуце Уладзіслаў Калінін забіў гол, але ён не быў залічаны з-за афсайду.
У першым туры чэмпіёны Беларусі ў намінальна дамашнім матчы ў азербайджанскім Сумгаіце ўступілі шатландскаму "Хартсу" з Эдынбурга з лікам 1:2. У складзе мінчан вызначыўся нігерыйскі нападаючы Стывен Альфрэд. У наступным туры 7 лістапада "Дынама" згуляе ў Варшаве з "Легіяй". На старце польскі клуб адолеў на сваёй арэне іспанскі "Бетыс" - 1:0, а затым разграміў на выездзе сербскі клуб "Бачка-Топала" - 3:0.
Расклад астатніх сустрэч беларускай каманды:
28 лістапада "Дынама" - "Капенгаген" (Данія);
12 снежня "Дынама" - "Ларн" (Паўночная Ірландыя);
19 снежня "Панатынаікос" (Афіны, Грэцыя) - "Дынама".
Па выніках першага этапу, у якім прымаюць удзел 36 каманд, восем лепшых клубаў адразу выйдуць у 1/8 фіналу. Каманды, якія зоймуць 9-24-я месцы, згуляюць у стыкавым раўндзе і вызначаць яшчэ восем удзельнікаў 1/8 фіналу. Далей турнір пойдзе па звычайнай сістэме на выбыванне. Стыкавыя сустрэчы адбудуцца 13 і 20 лютага 2025 года, матчы 1/8 фіналу пройдуць 6 і 13 сакавіка, чвэрцьфіналы намечаны на 10 і 17 красавіка, паўфіналы - на 1 і 8 мая. Фінальны паядынак трэцяга па рангу кантынентальнага клубнага турніру адбудзецца 28 мая ў польскім Вроцлаве.
Ліга канферэнцый з'яўляецца самым маладым турнірам Старога Свету - цяперашні розыгрыш толькі чацвёрты па ліку. Першым пераможцам у 2022 годзе стала італьянская "Рома", затым выйграў англійскі "Вест Хэм" з Лондана, а ў мінулым сезоне трыумфатарам стаў грэчаскі "Алімпіякос" з Пірэя.-0-
У Хельсінкі падапечныя Вадзіма Скрыпчанкі ўступілі фінскаму ХІКу - 0:1. Адбіўшы стартавы націск гаспадароў, мінчане захапілі ініцыятыву, стварылі некалькі небяспечных момантаў каля варот сапернікаў, але лік не быў адкрыты. Адразу пасля перапынку фіны пайшлі наперад і ў першай жа атацы Ліэм Мелер вывеў ХІК наперад. Прапусціўшы мяч, дынамаўцы пачалі гуляць хутчэй, правялі шмат атак, але зраўнаваць рэзультат не ўдалося. На 82-й мінуце госці засталіся ў меншасці пасля таго, як Трафім Мельнічэнка згуляў рукой на лініі сваіх варот. Аднак гаспадары не выкарысталі шанц павялічыць сваю перавагу - галкіпер дынамаўцаў Фёдар Лапавухаў змог адбіць пенальці, якое прабіваў Люк Планж. У астатні час мінчане прадаўжалі атакаваць і на 2-й кампенсаванай мінуце Уладзіслаў Калінін забіў гол, але ён не быў залічаны з-за афсайду.
У першым туры чэмпіёны Беларусі ў намінальна дамашнім матчы ў азербайджанскім Сумгаіце ўступілі шатландскаму "Хартсу" з Эдынбурга з лікам 1:2. У складзе мінчан вызначыўся нігерыйскі нападаючы Стывен Альфрэд. У наступным туры 7 лістапада "Дынама" згуляе ў Варшаве з "Легіяй". На старце польскі клуб адолеў на сваёй арэне іспанскі "Бетыс" - 1:0, а затым разграміў на выездзе сербскі клуб "Бачка-Топала" - 3:0.
Расклад астатніх сустрэч беларускай каманды:
28 лістапада "Дынама" - "Капенгаген" (Данія);
12 снежня "Дынама" - "Ларн" (Паўночная Ірландыя);
19 снежня "Панатынаікос" (Афіны, Грэцыя) - "Дынама".
Па выніках першага этапу, у якім прымаюць удзел 36 каманд, восем лепшых клубаў адразу выйдуць у 1/8 фіналу. Каманды, якія зоймуць 9-24-я месцы, згуляюць у стыкавым раўндзе і вызначаць яшчэ восем удзельнікаў 1/8 фіналу. Далей турнір пойдзе па звычайнай сістэме на выбыванне. Стыкавыя сустрэчы адбудуцца 13 і 20 лютага 2025 года, матчы 1/8 фіналу пройдуць 6 і 13 сакавіка, чвэрцьфіналы намечаны на 10 і 17 красавіка, паўфіналы - на 1 і 8 мая. Фінальны паядынак трэцяга па рангу кантынентальнага клубнага турніру адбудзецца 28 мая ў польскім Вроцлаве.
Ліга канферэнцый з'яўляецца самым маладым турнірам Старога Свету - цяперашні розыгрыш толькі чацвёрты па ліку. Першым пераможцам у 2022 годзе стала італьянская "Рома", затым выйграў англійскі "Вест Хэм" з Лондана, а ў мінулым сезоне трыумфатарам стаў грэчаскі "Алімпіякос" з Пірэя.-0-
Падпісвайцеся на нас у
