Іван Літвіновіч. Фота з архіва
1 кастрычніка, Мінск /Кар. БЕЛТА/. Беларускія спартсмены пачалі выступленні на спаборніцтвах па скачках на батуце ў рамках ІІІ Гульняў краін СНД, якія праходзяць у Азербайджане, паведамляе карэспандэнт БЕЛТА.
Удзел у кваліфікацыі ў мужчынскіх індывідуальных скачках прыняў 21 батутыст з шасці краін, у тым ліку чацвёра беларусаў. Перамогу з рэзультатам 65,25 бала атрымаў двухразовы алімпійскі чэмпіён Іван Літвіновіч, другое і трэцяе месца занялі яго партнёры па камандзе Андрэй Буйлоў (63,80) і Станіслаў Яскевіч (62,08), шостым з сумай 61,03 ачка стаў Себасцьян Станкевіч. Згодна з рэгламентам пуцёўка ў фінал належыць лепшаму ўдзельніку ад кожнай краіны, такім чынам, за ўзнагароды ў пятніцу пазмагаецца толькі Літвіновіч.
На першай пазіцыі па выніках жаночага адборачнага турніру размясцілася беларуска Яна Лебедзева (58,05 ачка), якая абышла суайчынніцу Кацярыну Яршову ўсяго на паўбала. Віялета Бардзілоўская (55,71) і Злата Мініяхметава (55,11) размясціліся на пятым і шостым радках адпаведна сярод 22 удзельніц. Фінал з удзелам Лебедзевай таксама адбудзецца 3 кастрычніка.
Заўтра батутысты разыграюць медалі ў мужчынскіх і жаночых камандных спаборніцтвах.-0-
Удзел у кваліфікацыі ў мужчынскіх індывідуальных скачках прыняў 21 батутыст з шасці краін, у тым ліку чацвёра беларусаў. Перамогу з рэзультатам 65,25 бала атрымаў двухразовы алімпійскі чэмпіён Іван Літвіновіч, другое і трэцяе месца занялі яго партнёры па камандзе Андрэй Буйлоў (63,80) і Станіслаў Яскевіч (62,08), шостым з сумай 61,03 ачка стаў Себасцьян Станкевіч. Згодна з рэгламентам пуцёўка ў фінал належыць лепшаму ўдзельніку ад кожнай краіны, такім чынам, за ўзнагароды ў пятніцу пазмагаецца толькі Літвіновіч.
На першай пазіцыі па выніках жаночага адборачнага турніру размясцілася беларуска Яна Лебедзева (58,05 ачка), якая абышла суайчынніцу Кацярыну Яршову ўсяго на паўбала. Віялета Бардзілоўская (55,71) і Злата Мініяхметава (55,11) размясціліся на пятым і шостым радках адпаведна сярод 22 удзельніц. Фінал з удзелам Лебедзевай таксама адбудзецца 3 кастрычніка.
Заўтра батутысты разыграюць медалі ў мужчынскіх і жаночых камандных спаборніцтвах.-0-
Падпісвайцеся на нас у
