20 жніўня, Мінск /Кар. БЕЛТА/. Футбалісты мюнхенскай "Баварыі" выйшлі ў фінал Лігі чэмпіёнаў, абыграўшы ў паўфінале французскі "Ліён" з лікам 3:0, паведамляе карэспандэнт БЕЛТА.
Чэмпіёны Германіі першапачаткова лічыліся фаварытамі матчу і пацвердзілі гэта на справе. У першым ужо тайме Серж Гнабры аформіў галявы дубль, паразіўшы вароты сапернікаў на 18-й і 33-й мінутах сустрэчы. Пасля перапынку лідар гонкі бамбардзіраў ЛЧ польскі форвард мюнхенскага клуба Роберт Левандоўскі забіў свой 15-ы гол, падвёўшы вынік сустрэчы.
У вырашальным паядынку Лігі чэмпіёнаў 23 жніўня ў Лісабоне сапернікам "Баварыі" будзе французскі "Пары Сен-Жэрмен", які ў першым паўфінале разграміў нямецкі "Лейпцыг" з лікам 3:0.
У фінальным матчы другога па рангу кантынентальнага турніру - Лігі Еўропы - 21 жніўня ў Кёльне італьянскі "Інтэр" сустрэнецца з іспанскай "Севільяй". У паўфіналах футбалісты італьянскага клуба разграмілі чэмпіёна Украіны данецкі "Шахцёр" - 5:0, а іспанская каманда адолела англійскі "Манчэстэр Юнайтэд" з лікам 2:1.-0-
