2 верасня, Мінск /Кар. БЕЛТА/. Чэмпіянат свету па веласпорце на шашы 2020 года прыме Італія. Такая інфармацыя змешчана ў афіцыйным прэс-рэлізе Міжнароднага саюза веласіпедыстаў (UCI), паведамляе БЕЛТА.
Чэмпіянат пройдзе ў Імале і рэгіёне Эмілія-Раманья 24-27 верасня. На гэты раз гонкі будуць праходзіць толькі ў катэгорыі "эліта". Спаборніцтвы юніёраў у катэгорыі U-23 праводзіцца не будуць.
Раней ад правядзення чэмпіянату свету па веласпорце на шашы з-за пандэміі каранавіруса адмовілася Швейцарыя.
На чэмпіянаце праводзяцца шашэйныя групавыя гонкі, індывідуальныя і камандныя гонкі на час з раздзельным стартам. Спартсмены прадстаўляюць нацыянальныя зборныя сваіх краін, за выключэннем камандных гонак.
Кожны чэмпіён свету ўзнагароджваецца вясёлкавай майкай, у якой ён выступае ўвесь наступны год ва ўсіх гонках той жа дысцыпліны. Экс-чэмпіёны наносяць вясёлкавыя палоскі на край рукавоў і каўнер сваёй формы.-0-
