Фота з архіва
13 жніўня, Мінск /Кар. БЕЛТА/. Стаў вядомы каляндар матчаў зборнай Беларусі па пляжным футболе ў Суперфінале Еўралігі, які пройдзе ў італьянскім Віярэджа, паведамляе карэспандэнт БЕЛТА.
У стартавым паядынку папярэдняй групы А беларусы 9 верасня згуляюць з дзеючай пераможцай Еўралігі камандай Партугаліі, 10 верасня сустрэча з французамі і 12 верасня матч з уладальнікамі серабра мінулага сезона італьянцамі. У квартэце В выступяць зборныя Украіны, Швейцарыі, Іспаніі і Даніі. Па выніках першага этапу барацьбу за ўзнагароды прадоўжаць па дзве лепшыя каманды. Паўфіналы адбудуцца 13 верасня, а паядынак за чэмпіёнскі тытул і матч за бронзу пройдуць 14 верасня. У гэтым сезоне беларуская дружына прыняла ўдзел у двух этапах Еўралігі. У Батумі былі разгромлены каманды Турцыі (12:1), Германіі (6:1) і Чэхіі (9:2). Па выніках турніру на чарнаморскім узбярэжжы Грузіі адзін з лідараў беларускай дружыны Анатоль Рабко быў прызнаны лепшым іграком спаборніцтваў. У Італіі беларусы перамаглі каманду Малдовы (5:3), атрымалі тэхнічную перамогу над Латвіяй (3:0) і ўступілі швейцарцам (7:9)
З 4 па 7 верасня зборная Беларусі пад кіраўніцтвам іспанскага спецыяліста Нікаласа Альварада правядзе вучэбна-трэніровачны збор у Санкт-Пецярбургу, а потым адправіцца ў Італію на вырашальны этап галоўнага кантынентальнага турніру. У двух папярэдніх сезонах беларусы станавіліся ўладальнікамі бронзавых узнагарод Еўралігі, а ў 2021 годзе ўзялі серабро. У вырашальным паядынку мінулага сезона партугальцы разграмілі італьянцаў (5:1), дзявяты раз стаўшы пераможцамі гэтых спаборніцтваў. У матчы за трэцяе месца беларусы абыгралі іспанцаў (6:1).-0-
У стартавым паядынку папярэдняй групы А беларусы 9 верасня згуляюць з дзеючай пераможцай Еўралігі камандай Партугаліі, 10 верасня сустрэча з французамі і 12 верасня матч з уладальнікамі серабра мінулага сезона італьянцамі. У квартэце В выступяць зборныя Украіны, Швейцарыі, Іспаніі і Даніі. Па выніках першага этапу барацьбу за ўзнагароды прадоўжаць па дзве лепшыя каманды. Паўфіналы адбудуцца 13 верасня, а паядынак за чэмпіёнскі тытул і матч за бронзу пройдуць 14 верасня. У гэтым сезоне беларуская дружына прыняла ўдзел у двух этапах Еўралігі. У Батумі былі разгромлены каманды Турцыі (12:1), Германіі (6:1) і Чэхіі (9:2). Па выніках турніру на чарнаморскім узбярэжжы Грузіі адзін з лідараў беларускай дружыны Анатоль Рабко быў прызнаны лепшым іграком спаборніцтваў. У Італіі беларусы перамаглі каманду Малдовы (5:3), атрымалі тэхнічную перамогу над Латвіяй (3:0) і ўступілі швейцарцам (7:9)
З 4 па 7 верасня зборная Беларусі пад кіраўніцтвам іспанскага спецыяліста Нікаласа Альварада правядзе вучэбна-трэніровачны збор у Санкт-Пецярбургу, а потым адправіцца ў Італію на вырашальны этап галоўнага кантынентальнага турніру. У двух папярэдніх сезонах беларусы станавіліся ўладальнікамі бронзавых узнагарод Еўралігі, а ў 2021 годзе ўзялі серабро. У вырашальным паядынку мінулага сезона партугальцы разграмілі італьянцаў (5:1), дзявяты раз стаўшы пераможцамі гэтых спаборніцтваў. У матчы за трэцяе месца беларусы абыгралі іспанцаў (6:1).-0-
Падпісвайцеся на нас у
