ДЗЯРЖОРГАНЫДЗЯРЖОРГАНЫ
Флаг Панядзелак, 25 кастрычніка 2021
Мінск Ясна +8°C
Усе навіны
Усе навіны
Спорт
08 лютага 2018, 11:46

Беларусы заваявалі два сярэбраныя медалі ў спрынце на Сусветнай гімназіядзе ў Грэноблі

Павел Бялько і Дар'я Кудаева з членамі каманды і трэнерамі
Павел Бялько і Дар'я Кудаева з членамі каманды і трэнерамі

8 лютага, Грэнобль /Святлана Пекар - БЕЛТА/. Беларусы заваявалі 2 сярэбраныя медалі ў спрынце на І Сусветнай зімовай гімназіядзе школьнікаў у Грэноблі, паведамляе карэспандэнт БЕЛТА.

У спрынтарскай гонцы на 7,5 км другі рэзультат паказаў беларускі школьнік-біятланіст Павел Бялько. Першае месца ў біятланіста з Украіны, на трэцім - француз. Сярод дзяўчат на дыстанцыі 6 км серабро ў беларускі Дар'і Кудаевай. Першая прыступка п'едэстала за францужанкай, на трэцім месцы біятланістка з Расіі.

Трэнер каманды біятланістаў Ігар Літвінскі рэзультатамі спартсменаў задаволены. "Падрыхтоўка да старту была цяжкая і ў трэнерскага складу, і ў дзяцей. Мы ведалі, што будзем спаборнічаць з дастойнымі сапернікамі, неардынарнае надвор'е - густы туман і парывісты вецер - таксама дабаўляла пэўнага хвалявання. Тым не менш у нас усё атрымалася. Спрацавалі трэнеры, спрацавалі спартсмены. Беларусь забрала два медалі з шасці", - адзначыў Ігар Літвінскі.

Сёння біятланістаў зноў чакае напружаны дзень - спартсмены прымуць удзел у эстафетнай гонцы. "За медалі разгорнецца сапраўдная барацьба, мы ў ёй прымем удзел. Асабліва чакаем саперніцтва з камандамі з Расіі і Украіны", - падкрэсліў трэнер.

Яшчэ ў адным відзе спорту - кёрлінгу - беларускія спартсмены ўступілі камандзе з Англіі. "На працягу ўсёй гульні нашы спартсмены ўпэўнена вялі ў ліку і склалі англійскім школьнікам дастойную канкурэнцыю. Нашымі сапернікамі ў наступнай гульні стануць удзельнікі з Венгрыі", - паведаміла трэнер каманды па кёрлінгу Яўгенія Орліс.

І Сусветная зімовая гімназіяда школьнікаў праходзіць 5-10 лютага ў Грэноблі (Францыя) пад эгідай Міжнароднай федэрацыі школьнага спорту (ISF). У ёй прымаюць удзел зборныя 20 краін, што складае каля 600 спартсменаў. У праграму спаборніцтваў уключаны гарналыжны спорт, лыжныя гонкі, скачкі на лыжах з трампліна, біятлон, кёрлінг, фрыстайл, хакей, снаўборд. Беларусь з'яўляецца членам ISF з 2012 года. За гэты час беларускія школьнікі двойчы прымалі ўдзел у Сусветных летніх гімназіядах, адна з якіх праходзіла ў 2013 годзе ў Бразіліі, а другая - у 2016-м у Турцыі. Увогуле на двух спаборніцтвах спартсмены з Беларусі заваявалі 14 медалёў, 8 з якіх залатыя.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі