Фота футбольнага клуба "Нёман"
24 ліпеня, Мінск /Кар. БЕЛТА/. Тры беларускія футбольныя клубы правядуць сёння стартавыя паядынкі другога кваліфікацыйнага раўнда Лігі канферэнцый УЕФА, паведамляе карэспандэнт БЕЛТА.
Гродзенскі "Нёман" згуляе на выездзе са славацкім "Кошыцы" (пачатак сустрэчы ў 21.00). У выпадку поспеху па суме дзвюх гульняў падапечныя Ігара Кавалевіча ў 3-м раўндзе сустрэнуцца з пераможцам пары "Раднічкі" (Ніш, Сербія) - "Клаксвік" (Фарэрскія астравы). У першым крузе кваліфікацыі трэцяга па рангу кантынентальнага турніру "Нёман" двойчы перайграў армянскі "Урарту" з Ерэвана - 2:1 і 4:0.
Футбалісты жодзінскага "Тарпеда-БелАЗа" ў намінальна дамашнім матчы ў венгерскім Сомбатхеі сустрэнуцца з ізраільскім "Макабі" з Хайфы (пачатак гульні ў 21.00). Калі каманда Дзмітрыя Молаша пройдзе далей, то будзе сапернічаць з лепшым клубам пары "Ракуў" (Польшча) - "Жыліна" (Славакія). На старце турніру тарпедаўцы перамаглі паўночнамакедонскі клуб "Работнічкі" са Скоп'я - 3:0 і 1:0.
Мінскае "Дынама" прыме ў венгерскім Мезёкёвешдзе албанскі клуб "Эгнація" (пачатак матчу ў 21.45). Пераможца гэтай пары згуляе ў трэцім раўндзе з пераможцам сустрэч паміж славенскай "Алімпіяй" і андорскім "Інтэрам". Учора ў першай гульні ў Любляне славенцы выйгралі з рэзультатам 4:2. Мінскія дынамаўцы пачыналі еўракубкавы сезон у кваліфікацыі Лігі чэмпіёнаў, уступіўшы па суме дзвюх сустрэч балгарскаму "Лудагорцу" з Разграда - 0:1 і 2:2.
Паядынкі ў адказ другога круга кваліфікацыі Лігі канферэнцый пройдуць 31 ліпеня. Каб прабіцца ў асноўны этап, камандам трэба паспяхова пераадолець чатыры кваліфікацыйныя бар'еры.-0-
Гродзенскі "Нёман" згуляе на выездзе са славацкім "Кошыцы" (пачатак сустрэчы ў 21.00). У выпадку поспеху па суме дзвюх гульняў падапечныя Ігара Кавалевіча ў 3-м раўндзе сустрэнуцца з пераможцам пары "Раднічкі" (Ніш, Сербія) - "Клаксвік" (Фарэрскія астравы). У першым крузе кваліфікацыі трэцяга па рангу кантынентальнага турніру "Нёман" двойчы перайграў армянскі "Урарту" з Ерэвана - 2:1 і 4:0.
Футбалісты жодзінскага "Тарпеда-БелАЗа" ў намінальна дамашнім матчы ў венгерскім Сомбатхеі сустрэнуцца з ізраільскім "Макабі" з Хайфы (пачатак гульні ў 21.00). Калі каманда Дзмітрыя Молаша пройдзе далей, то будзе сапернічаць з лепшым клубам пары "Ракуў" (Польшча) - "Жыліна" (Славакія). На старце турніру тарпедаўцы перамаглі паўночнамакедонскі клуб "Работнічкі" са Скоп'я - 3:0 і 1:0.
Мінскае "Дынама" прыме ў венгерскім Мезёкёвешдзе албанскі клуб "Эгнація" (пачатак матчу ў 21.45). Пераможца гэтай пары згуляе ў трэцім раўндзе з пераможцам сустрэч паміж славенскай "Алімпіяй" і андорскім "Інтэрам". Учора ў першай гульні ў Любляне славенцы выйгралі з рэзультатам 4:2. Мінскія дынамаўцы пачыналі еўракубкавы сезон у кваліфікацыі Лігі чэмпіёнаў, уступіўшы па суме дзвюх сустрэч балгарскаму "Лудагорцу" з Разграда - 0:1 і 2:2.
Паядынкі ў адказ другога круга кваліфікацыі Лігі канферэнцый пройдуць 31 ліпеня. Каб прабіцца ў асноўны этап, камандам трэба паспяхова пераадолець чатыры кваліфікацыйныя бар'еры.-0-
Падпісвайцеся на нас у
