Мікіта Лях. Фота Мінспорту
30 верасня, Мінск /Кар. БЕЛТА/. Беларускія плыўцы заваявалі пяць асабістых медалёў на трэці дзень спаборніцтваў у басейне на III гульнях краін СНД у Азербайджане, паведамляе карэспандэнт БЕЛТА.
Перамогу на дыстанцыі 50 м вольным стылем атрымаў Мікіта Лях: наш спартсмен паказаў рэзультат 22,82 сек., апярэдзіўшы праследавацеляў больш як на паўсекунды. Раней у гэтым годзе Лях заваяваў золата ў гэтым жа відзе праграмы на Еўрапейскім юнацкім алімпійскім фестывалі ў Паўночнай Македоніі. Яшчэ адзін беларус Аляксей Тарасенка сёння фінішаваў чацвёртым усяго за 0,02 сек. ад тройкі.
Два медалі ў аўторак заваявала наша Настасся Васіленка, якая была другая на дыстанцыі 50 м брасам і трэцяя на стаметроўцы вольным стылем. Двухразовым прызёрам 30 верасня стаў Максім Малышка - у яго актыве серабро на дыстанцыі 200 м брасам і бронза на 400-метроўцы комплексным плаваннем.
III Гульні краін СНД прымаюць сем гарадоў - Гянджа, Еўлах, Мінгечаур, Габала, Шэкі, Гёйгёль і Ханкэнды. Міжнародныя спаборніцтвы сабралі больш за 1,6 тыс. атлетаў да 23 гадоў з Азербайджана, Беларусі, Расіі, Узбекістана, Казахстана, Таджыкістана, Кыргызстана, Туркменістана, Турцыі, Кубы, Кувейта, Пакістана і Амана. У склад нашай дэлегацыі ўвайшоў 241 атлет у 21 дысцыпліне.
У праграме мультыспартыўнага форуму, які прадоўжыцца да 8 кастрычніка, прадстаўлены футбол, баскетбол, валейбол, плаванне, самба, бокс, дзюдо, тхэквандо, бадмінтон, настольны тэніс, скачкі на батуце, стральба з лука, кулявая і стэндавая стральба, фехтаванне, барацьба, каратэ, веславанне акадэмічнае, веславанне на байдарках і каноэ, мастацкая гімнастыка і чаўган.-0-
Перамогу на дыстанцыі 50 м вольным стылем атрымаў Мікіта Лях: наш спартсмен паказаў рэзультат 22,82 сек., апярэдзіўшы праследавацеляў больш як на паўсекунды. Раней у гэтым годзе Лях заваяваў золата ў гэтым жа відзе праграмы на Еўрапейскім юнацкім алімпійскім фестывалі ў Паўночнай Македоніі. Яшчэ адзін беларус Аляксей Тарасенка сёння фінішаваў чацвёртым усяго за 0,02 сек. ад тройкі.
Два медалі ў аўторак заваявала наша Настасся Васіленка, якая была другая на дыстанцыі 50 м брасам і трэцяя на стаметроўцы вольным стылем. Двухразовым прызёрам 30 верасня стаў Максім Малышка - у яго актыве серабро на дыстанцыі 200 м брасам і бронза на 400-метроўцы комплексным плаваннем.
III Гульні краін СНД прымаюць сем гарадоў - Гянджа, Еўлах, Мінгечаур, Габала, Шэкі, Гёйгёль і Ханкэнды. Міжнародныя спаборніцтвы сабралі больш за 1,6 тыс. атлетаў да 23 гадоў з Азербайджана, Беларусі, Расіі, Узбекістана, Казахстана, Таджыкістана, Кыргызстана, Туркменістана, Турцыі, Кубы, Кувейта, Пакістана і Амана. У склад нашай дэлегацыі ўвайшоў 241 атлет у 21 дысцыпліне.
У праграме мультыспартыўнага форуму, які прадоўжыцца да 8 кастрычніка, прадстаўлены футбол, баскетбол, валейбол, плаванне, самба, бокс, дзюдо, тхэквандо, бадмінтон, настольны тэніс, скачкі на батуце, стральба з лука, кулявая і стэндавая стральба, фехтаванне, барацьба, каратэ, веславанне акадэмічнае, веславанне на байдарках і каноэ, мастацкая гімнастыка і чаўган.-0-
Падпісвайцеся на нас у
