Баскетбалісты "МІНСКА" адкрыюць дамашнюю серыю сустрэч Адзінай маладзёжнай лігі ВТБ

24 снежня, Мінск /Кар. БЕЛТА/. Баскетбалісты "МІНСКА" пачынаюць 14-матчавую серыю дамашніх сустрэч у Адзінай маладзёжнай лізе ВТБ, паведамляе карэспандэнт БЕЛТА.

Сёння каманда Дзмітрыя Калтунова прыме баскетбалістаў маладзёжнай каманды "Самара" (пачатак гульні ў 16.00). У 20 папярэдніх паядынках мінчане здабылі восем перамог і займаюць восьмае месца ў турнірнай табліцы, рэзервісты "Самары" выйгралі сем матчаў і знаходзяцца на дзясятай пазіцыі. Лідзіруе маскоўскі МБА-МАІ, у якога 17 вікторый, на адну перамогу менш у "маладзёжкі" маскоўскага ЦСКА, 15 сустрэч выйгралі баскетбалісты "Хімак", па 14 перамог атрымалі піцерскі "Зеніт" і "Пары Ніжні Ноўгарад".

У ходзе гэтай дамашняй серыі сапернікамі мінчан таксама будуць саратаўскі "Аўтадор" (28 і 29 снежня), казанскі УНІКС (9 і 10 студзеня), "Пары Ніжні Ноўгарад" (13 і 14 студзеня), "Хімкі" (23 і 24 студзеня), МБА-МАІ (4 і 5 лютага) і краснаярскі "Енісей" (8 і 9 лютага).    

У спаборніцтвах выступаюць 13 каманд, прычым "МІНСК" з'яўляецца першым замежным удзельнікам Адзінай маладзёжнай лігі ВТБ. Першы этап спаборніцтваў завершыцца 9 красавіка 2025 года, пасля чаго васьмёрка лепшых клубаў прадоўжыць барацьбу за ўзнагароды ў серыях плэй-оф.-0-