Фота ДВА "Мінскбуд"
6 кастрычніка, Мінск /Кар. БЕЛТА/. Як ідзе будаўніцтва Нацыянальнага гістарычнага музея, расказалі ў ДВА "Мінскбуд", паведамляе БЕЛТА.
У "Мінскбуд" адзначылі, што на будаўніцтве Нацыянальнага гістарычнага музея завяршаецца ўзвядзенне каркаса будынка, а таксама ідзе актыўнае ўцяпленне фасада. На паўднёвым баку пачаліся ўжо дахавыя работы.
Да канца бягучага месяца будаўнікі плануюць пачаць мантаж вітражных сістэм (каб закрыць контур першых трох паверхаў) і ўладкаванне вентфасада.
Паводле слоў начальніка ўчастка генпадраднага БУ-7 будтрэста нумар 4 Дзмітрыя Харытонава, унутры будынка працуюць муляры і тынкоўшчыкі, вядуцца чарнавыя электрамантажныя і сантэхнічныя работы, выконваецца сцяжка падлогі. У кастрычніку плануецца зманціраваць таксама ўсе тры эскалатары.
На аб'екце цяпер задзейнічаны 320 чалавек, працуюць чатыры вежавыя краны. Адзін з іх вось-вось пакіне пляцоўку: сёння пачынаецца яго дэмантаж. Будаўнікі ідуць у графіку. Ім дапамагаюць будатрадаўцы - 21 чалавек. Хутка на аб'ект заедуць спецыялісты для мантажу асвятлення пад размяшчэнне экспанатаў.
Пад купалам гістарычнага музея, які будуецца, упершыню гучала класічная музыка. У гасцях у будаўнікоў чацвёртага трэста з дабрачынным канцэртам пабывалі артысты сімфанічнага аркестра Вялікага тэатра оперы і балета. Ініцыятыву праявілі БРСМ і маладыя музыканты аркестра.-0-
У "Мінскбуд" адзначылі, што на будаўніцтве Нацыянальнага гістарычнага музея завяршаецца ўзвядзенне каркаса будынка, а таксама ідзе актыўнае ўцяпленне фасада. На паўднёвым баку пачаліся ўжо дахавыя работы.
Да канца бягучага месяца будаўнікі плануюць пачаць мантаж вітражных сістэм (каб закрыць контур першых трох паверхаў) і ўладкаванне вентфасада.
Паводле слоў начальніка ўчастка генпадраднага БУ-7 будтрэста нумар 4 Дзмітрыя Харытонава, унутры будынка працуюць муляры і тынкоўшчыкі, вядуцца чарнавыя электрамантажныя і сантэхнічныя работы, выконваецца сцяжка падлогі. У кастрычніку плануецца зманціраваць таксама ўсе тры эскалатары.
На аб'екце цяпер задзейнічаны 320 чалавек, працуюць чатыры вежавыя краны. Адзін з іх вось-вось пакіне пляцоўку: сёння пачынаецца яго дэмантаж. Будаўнікі ідуць у графіку. Ім дапамагаюць будатрадаўцы - 21 чалавек. Хутка на аб'ект заедуць спецыялісты для мантажу асвятлення пад размяшчэнне экспанатаў.
Пад купалам гістарычнага музея, які будуецца, упершыню гучала класічная музыка. У гасцях у будаўнікоў чацвёртага трэста з дабрачынным канцэртам пабывалі артысты сімфанічнага аркестра Вялікага тэатра оперы і балета. Ініцыятыву праявілі БРСМ і маладыя музыканты аркестра.-0-
Падпісвайцеся на нас у
