30 верасня, Мінск /Кар. БЕЛТА/. Мінскі міжнародны выставачны цэнтр заслугоўвае найвышэйшага бала. Такую думку карэспандэнту БЕЛТА выказалі расійскія ўдзельнікі міжнароднай прамысловай выстаўкі "ІНАПРАМ. Беларусь".
"Вельмі ўражаны. У гэтым Мінскім міжнародным выставачным цэнтры мы як экспанент прымаем удзел першы раз. Калі ставіць ацэнку - гэта, вядома, найвышэйшы бал. Шмат прасторы, усё правільна спланавана, няма чэргаў, натоўпаў ні на ўваходзе, ні на выхадзе", - расказаў намеснік генеральнага дырэктара па ўзаемадзеянні з органамі ўлады і карпаратыўных камунікацыях АТ "ТМХ" Арцём Ледзянёў.
"Трансмашхолдынг" - вядучы ў Расіі і СНД распрацоўшчык і вытворца рухомага саставу для чыгуначнага і гарадскога рэйкавага транспарту, а таксама сярэднеабаротных рухавікоў рознага прызначэння. Уваходзіць у чацвёрку лідараў сусветнага транспартнага машынабудавання. На стэндзе "ТМХ" прадстаўлена сістэма дыспетчарызацыі, укараненне якой прапрацоўваецца ў Мінскім метрапалітэне. Акрамя таго, прадэманстравана работа цэнтральнага дыспетчарскага пункта кіравання Зеленалужскай лініі Мінскага метрапалітэна.
Арцём Ледзянёў таксама дадаў, што Беларусь - адна з яго любімых краін для наведвання. Ён рэгулярна прыязджае сюды не толькі па рабоце, але і з сям'ёй.
Яшчэ адзін удзельнік выстаўкі - федэральнае дзяржаўнае ўнітарнае прадпрыемства "НАМІ". "Новы Мінскі міжнародны выставачны цэнтр вельмі прыгожы і сучасны. Беларускі бок дапамог вырашыць усе пытанні, каб мы размясціліся тут. Першы раз у Беларусі я пабываў у 2005 годзе. Заўсёды езджу сюды з задавальненнем. Тут вельмі ветлівыя і добрыя людзі", - падзяліўся меркаваннем генеральны дырэктар ФДУП "НАМІ" Фёдар Назараў.
ФДУП "НАМІ" прадставіла на выстаўцы розныя напрамкі высокіх тэхналогій. Адзін з іх - аўтамабіль на вадародных паліўных ячэйках. "Па сутнасці, гэта электрамабіль з генерацыяй электрычнасці на борце. Гэта поўнасцю хадавы прататып. Там устаноўлены тры электрычныя рухавікі: два - на задняй восі, адзін - на пярэдняй. Пад капотам устаноўлены вадародныя паліўныя ячэйкі. Гэта адзін з варыянтаў развіцця электрамабільнасці ў будучым. Тут значна большы запас ходу, чым на класічных электрамабілях. Цяпер вадародная інфраструктура не вельмі развітая, але наша задача з гэтым аўтамабілем - развіццё такіх кампетэнцый", - расказаў начальнік упраўлення прадуктовым маркетынгам ФДУП "НАМІ" Міхаіл Кандрацьеў.
Таксама на стэндзе прадстаўлена электрамеханічная трансмісія. "Гэта электраматор, які ўстаноўлены ў нашым аўтамабілі. Акрамя таго, наведвальнікі могуць убачыць беспілотны бокс. Калі ўстанавіць яго на аўтамабіль, то з яго можна зрабіць беспілотны транспарт. Аднак трэба ўстанавіць і іншыя кампаненты. Тут мы паказваем нашы кампетэнцыі ў беспілотнасці", - рэзюмаваў Міхаіл Кандрацьеў.-0-
"Вельмі ўражаны. У гэтым Мінскім міжнародным выставачным цэнтры мы як экспанент прымаем удзел першы раз. Калі ставіць ацэнку - гэта, вядома, найвышэйшы бал. Шмат прасторы, усё правільна спланавана, няма чэргаў, натоўпаў ні на ўваходзе, ні на выхадзе", - расказаў намеснік генеральнага дырэктара па ўзаемадзеянні з органамі ўлады і карпаратыўных камунікацыях АТ "ТМХ" Арцём Ледзянёў.
"Трансмашхолдынг" - вядучы ў Расіі і СНД распрацоўшчык і вытворца рухомага саставу для чыгуначнага і гарадскога рэйкавага транспарту, а таксама сярэднеабаротных рухавікоў рознага прызначэння. Уваходзіць у чацвёрку лідараў сусветнага транспартнага машынабудавання. На стэндзе "ТМХ" прадстаўлена сістэма дыспетчарызацыі, укараненне якой прапрацоўваецца ў Мінскім метрапалітэне. Акрамя таго, прадэманстравана работа цэнтральнага дыспетчарскага пункта кіравання Зеленалужскай лініі Мінскага метрапалітэна.
Арцём Ледзянёў таксама дадаў, што Беларусь - адна з яго любімых краін для наведвання. Ён рэгулярна прыязджае сюды не толькі па рабоце, але і з сям'ёй.
Яшчэ адзін удзельнік выстаўкі - федэральнае дзяржаўнае ўнітарнае прадпрыемства "НАМІ". "Новы Мінскі міжнародны выставачны цэнтр вельмі прыгожы і сучасны. Беларускі бок дапамог вырашыць усе пытанні, каб мы размясціліся тут. Першы раз у Беларусі я пабываў у 2005 годзе. Заўсёды езджу сюды з задавальненнем. Тут вельмі ветлівыя і добрыя людзі", - падзяліўся меркаваннем генеральны дырэктар ФДУП "НАМІ" Фёдар Назараў.
ФДУП "НАМІ" прадставіла на выстаўцы розныя напрамкі высокіх тэхналогій. Адзін з іх - аўтамабіль на вадародных паліўных ячэйках. "Па сутнасці, гэта электрамабіль з генерацыяй электрычнасці на борце. Гэта поўнасцю хадавы прататып. Там устаноўлены тры электрычныя рухавікі: два - на задняй восі, адзін - на пярэдняй. Пад капотам устаноўлены вадародныя паліўныя ячэйкі. Гэта адзін з варыянтаў развіцця электрамабільнасці ў будучым. Тут значна большы запас ходу, чым на класічных электрамабілях. Цяпер вадародная інфраструктура не вельмі развітая, але наша задача з гэтым аўтамабілем - развіццё такіх кампетэнцый", - расказаў начальнік упраўлення прадуктовым маркетынгам ФДУП "НАМІ" Міхаіл Кандрацьеў.
Таксама на стэндзе прадстаўлена электрамеханічная трансмісія. "Гэта электраматор, які ўстаноўлены ў нашым аўтамабілі. Акрамя таго, наведвальнікі могуць убачыць беспілотны бокс. Калі ўстанавіць яго на аўтамабіль, то з яго можна зрабіць беспілотны транспарт. Аднак трэба ўстанавіць і іншыя кампаненты. Тут мы паказваем нашы кампетэнцыі ў беспілотнасці", - рэзюмаваў Міхаіл Кандрацьеў.-0-
Падпісвайцеся на нас у
